吉澳

唔知大家有冇聽過吉澳呢個地方？😝 呢度係香港嘅一個離島 位於東北面印洲塘之內🏝️ 屬於世界地質公園裡的景點 呢日我地去左一日遊 順便試下個度唯一一間餐廳益民茶樓🥢 益民茶樓好有歷史 從餐廳有塊板介紹吉澳嘅故事 因為我地行完山先食飯 所以有啲餸已經賣晒🤯 我地覺得食碟頭飯最抵 仲可以自選跟飯🍚定公仔麵🍜 🌟客家炆豬肉 梅菜豬肉同平時食到嘅有少少唔同🐖 覺得多左陣陳皮味 豬肉非常腍同入味 就算有邪惡嘅脂肪都忍唔住要食埋先夠原汁原味🤤 🌟招牌墨魚丸 墨魚丸係呢度嘅招牌菜🦑 真材實料 非常彈牙同實淨 必食之選👍 🌟白切雞 白切雞雞肉嫩滑 份量十足🐓 🌟自家製涼茶 當日剩返雞骨草 成枝雪到冰🧊 啱晒夏天飲 非常涼快 📍益民茶樓 吉澳大街26號地下A舖 其實去吉澳嘅船仲會去埋鴨洲 個度有間伯伯開嘅英記士多 糯米糍同冰菠蘿都好好味😋 📍英記士多, 鴨洲 #香港好去處 #香港美食 #本地遊 #郊外好去處 #hkfood

第一次來吉澳呢個純樸小島,掘下蜆,行下山,吹下海風,好寫意。而且在步行徑山頂可以看見到鴨洲全貌, 原來真係好似一隻浮在水面的大鴨🐤 吉澳交通 於馬料水三號梯台，搭乘渡輪前往吉澳。渡輪只限星期六日及公眾假期提供服務。航程約1.5小時。離開時搭乘於下午3:30分開出的渡輪返回馬料水。

早前終於有機會到訪位於香港東北面的鴨洲與吉澳，這兩個小島是香港聯合國教科文組織世界地質公園裡的景點，可以一日完成兩個跳島遊呢！✨ 當天早上我們先到達鴨洲欣賞獨特的岩石地貌，不得不提島上最著名的海蝕洞奇觀，恍如鴨眼一樣非常特別呢！ 至於吉澳就充滿了客家文化氣息，在島上仍然可以看到漁民生活的點滴、客家聚落與一口口六角形古井。 交通： 前往鴨洲： 於馬料水公眾碼頭搭乘渡輪前往吉澳及鴨洲 * 渡輪只限星期六、星期日及公眾假期提供服務。航程約1.5小時。 從吉澳離開： 搭乘於下午3:30分開出的渡輪返回馬料水。 * 建議大家可以預早上網購買船票，那就不怕沒船坐了！ #本地遊 #香港好去處 #吉澳 #香港鴨洲 #離島 #離島遊

今次要介紹嘅離島好去處係位於吉澳嘅高棚頂，呢個路線非常易行，穿過左吉澳嘅天后廟行15分鐘就可以去到，而且沿途都係行鋪好嘅石屎路，路嘅兩旁有樹陰，非常輕鬆就可以登到頂，上到高棚頂之後可以欣賞到成個吉澳嘅景色，景觀一流！係一個遠離城市繁囂嘅好地方！ 但係前往吉澳嘅船只有喺沙頭角碼頭同馬料水碼頭開出，馬料水只有星期六、日、同公眾假期有船前往，而沙頭角碼頭就一至日都有船。不過兩個碼頭嘅船期都好疏，所以一定要準時上船，錯過咗船期可能要第日先可以走！ #本地遊 #離島好去處

闊別一年，舊地重遊吉澳，適逢端午節，當地居民舉辦小型龍舟比賽應節。作為遊客能夠在端午節遊覽吉澳體驗吉澳居民的端午節習俗十分幸運。由於本地團的興旺，吸引了更多外來遊客進入吉澳，使吉澳突然非常熱鬧。連唯一較具規模的酒家也需要排隊。該酒家馳名的手打彈牙墨魚丸即使要排隊也是不可錯過的。 #本地遊

「吉澳」香港離島之一面積好細，😆🤭行山好快就行完，可於馬料水上船，全日只有一班來回船，島上必食手打墨魚丸😋唔好錯過哦！

#本地遊 香港的小島林立，世外桃源般的小島亦有不少，非常值得我們去探索遊玩。或者當我們在香港繁華喧囂的都市生活久了，到小島沉靜一下是一個很好的享受。 吉澳是一個很好休閒避世的寧靜小島，英文名為 Crooked Island，意思是彎曲的島。中文名「吉澳」，意思就是吉祥的海灣。 吉澳南臨印洲塘，北倚大鵬灣大小梅沙，四處山光水色，景致變化多端，各有特色。島上環境安寧舒適、風光秀麗、文化歷史遺址豐富、旅遊設施齊全，並設有數條登山觀景路線，是本地旅遊好去處。

坐船離開左鴨洲，第二站就黎到呢個比鴨洲更加靚既小島吉澳喇😍。吉澳面積就比鴨洲大得多lu，比起長洲仲要大，不過可以遊覽既地方其實唔多，等小編為大家逐一介紹埋吉澳值得遊覽既景點啦🤗 咁到底吉澳有咩特別😉? 1. 東澳灣🏝️ (一個水質媲美西貢大浪四灣既沙灘🏝️，大家只要沿住高棚頂向上行10-15 minutes就可以高空欣賞到東澳灣既美景😚，鍾意玩水既朋友仔都可以考慮下夏天過來同陽光🌞玩遊戲) 2. 高棚頂 (吉澳既其中一個高點，不過小編認為高棚頂係性價比最高，而且睇到最多靚景既地方，來到吉澳第一時間一定要來高棚頂，首先會見到剛剛介紹過既東澳灣，上到最高點仲可以見到全個吉澳最靚既地方—澳背塘😍，比群山包圍住再加上印洲塘平靜既海面，真係好似外國既火山口湖🗻，高棚頂既另一面就可以欣賞到整個吉澳既漁村🛶風貌，再加上整條高棚頂行山徑都係黃色欄杆，真係好有外國feel😌) 3. 澳背塘🏞️ (高空睇完澳背塘，沿路落山仲可以更加近距離感受一下澳背塘既簡樸同寧靜，同時感受一下Double Haven呢個天然避風港既威力😯) 4. 昔日漁村風貌 (吉澳全盛時期超過1萬名漁民居住，所以走進吉澳大街小巷，都唔難發現建築物都保留左昔日漁村既風貌，至於有咩建築物值得打卡就留待大家去發掘喇😉) 5. 姻緣樹💞 (吉澳大街海邊既一棵百年姻緣樹🌳，佢既特別之處就係樹幹係打橫生ga😆，大家同佢影相嗰陣要小心啲啊😉) 6. 吉澳古井 (碼頭水牌介紹既其中一個景點，但其實只係一個六角型既水井，好似比人呃左咁😂，不過咁遠水路來到當到此一遊啦🤣) 7. 高地頂 (吉澳既另一個高點，小編認為唔及高棚頂咁值得去🤔，主要都係望返鹽田港一帶既景色，而且同鴨洲既風景大致相同，所以高地頂可以留返最後有時間先去都ok😚) 8. 招牌手打墨魚丸🐙 (益民酒家既招牌菜，一落船大家都會排晒隊買墨魚丸食，所以大家可以先上高棚頂轉個圈落返黎先食墨魚丸，條人龍就唔見左ga la😆) 交通: 去鴨洲同吉澳只有一個方法，就係去馬料水碼頭搭聲威實業既街渡⛴️，而且只有星期六日早上9am兩班船，有心去既朋友仔記得一定要星期五中午12點前網上買定船飛啊，因為walk in係有好大機會食白果上唔到船ga😉 (利申: 小編去那天8:15上船，8:30已經上滿第一班船出發了，所以就算係買左飛既朋友仔都要預早45 minutes到馬料水碼頭🙈) 想知道更多香港好去處? 記得like 👍 + follow 我地 😁，有你的支持我地先有動力繼續為大家發掘香港特別的地方😚🥰 #吉澳 #印洲塘 #離島 #離島遊系列 #東澳灣 #高棚頂 #澳背塘 #漁村 #姻緣樹 #吉澳古井 #高地頂 #手打墨魚丸 #墨魚丸 #益民酒家 #馬料水 #有生之年系列 #本地遊

鴨洲是香港地質公園新界東北沉積岩園區的其中一個地質熱點，鴨洲約佔0.016平方公里，是香港最少且有人居住的島嶼。遊客們通常連同附近15分鐘船程的吉澳一併遊玩。在此細小的島嶼，遊客可以欣賞不同的地質奇觀，例如香港紅色角礫岩以及因海浪侵蝕而形成的海蝕拱(鴨頸)。在退潮時鴨嘴會因海水退卻而呈現眼前，鴨洲的形狀非常壯觀。 #本地遊

交通攻略－去到馬料水碼頭之後搭往吉澳和鴨洲嘅船，只有星期六，日，同公眾假期有船，得朝早9:00一班船 當地名勝－ 鴨洲最出名係喺鴨頭同鴨頸打卡，去完鴨洲再去吉澳食出名嘅墨魚丸，好彈牙，加埋少少麻辣好好食，食完可以環繞個島行下！ 購物指南－吉澳有幾間小店賣海味同埋雞屎藤，仲有涼茶

#春季旅行 由馬料水搭船到離島：吉澳，行完吉澳之後，行山上雞公嶺同高棚顶。在此處，可眺望澳背排及印洲塘海岸公園一帶的離島及海景，海天一色，中间帶綠，香港的招牌美景！ 印洲塘因被多過島嶼所包圍，所以海水平靜得就像湖水一樣，即使颱風來襲也不會造成巨大風浪，是良好的天然避風塘。 #離島好去處

[#throwback] [#先保存等疫情過後再黎］ 農曆新年期間同左雨豬仔去左一個無人離島行山，呢個島平日係黎唔到，要等到星期六日有船先去到！ 因為離島都有一段距離，所以坐船都要坐大約90分鐘，不過都值得既，當日坐船被風吹到都比較凍，好彩上到岸有太陽🌞出黎就唔算太凍。 我地因為無先去鴨洲，所以先黎先上岸，全個島基本上得我地小貓三四隻，可以好放心安心周圍行除口罩影下相，雨豬仔無懼過百級樓梯，自己一個帶頭上山，沿途風景超美，空氣又清新，抑鬱心情一掃而空！ 行得攰唔駛驚無野食，島上有一兩間飯店有午餐提供，一定要試佢地既蒸魷魚🦑配銀魚仔，真係超好味😋，因為我們早食，所以基本上只得我地一檯客人，趁住啲人未到，拿拿臨食完就繼續我地旅程。 因為船期每星期六日只得一班，所以記得要預早book定船飛啊！ #hannah雨豬仔之吃喝玩樂世界 #雨豬仔之吃喝玩樂世界 #雨豬仔世界 #babyhannahlala #hannahlala #babyhannah #無人島 #離島 #鴨洲 #吉澳 #坐船 #行山 #親子好去處 #親子行山 #親子活動 #做運動 #水清沙幼 #風景画 #kol #mommyblogger #離島好去處