無賭場的澳門遊🇲🇴
今次我又去澳門🇲🇴啦,今次唔使搭車,係揸車上去澳門停車場🅿️呀,我幫屋企人申請左上澳門停車場咁耐,終於到我跟車上澳門啦。☺️係自己屋企的停車場上車之後,腳落地的地方就係澳門的停車場,真係好爽,仲要都講緊係1個鐘左右的車程,真係唔耐,淨係計港珠澳橋的車程都係約35分鐘左右。所以就睇你香港去機場個車程要幾耐,就決定你去澳門要幾耐啦。😁
我地因為去個程係下午出發,所以過到澳門我地都要食dinner,我地因為有親戚係澳門關口度車我地去食飯,所以過左關都有車坐😌食完飯佢地就去左大陸按摩,所以我地就去左親戚屋企住一晚。因為時間比較早,所以我地去左附近威尼斯酒店度行下,因為出面好似想落雨咁,所以就揀商場入面,同行朋友竟然話無去過威尼斯酒店,雖然唔去賭場,但我都想知點解唔去參觀下。威尼斯酒店雖然有一段歷史,但佢裝修又唔似咁耐歷史,佢入面個天幕其實仲好靚,係室內可以有長期藍天白雲的感覺,仲要好有歐洲feel😍
第二日我地就跟左親戚朋友介紹的一間係路環的漢記手打咖啡早餐,我地就係25/50號的巴士去到總站前一個站落車對面馬路有條小路落樓梯就直接去到,但穩陣就係總站落車行遠少少都可以。咖啡店係似地灘咁既小店,我地叫左碗餐蛋麵,豬扒麵同埋當然唔小得既手打咖啡,佢的餐蛋麵的蛋唔似香港食開既蛋,有些膠膠地咁,下次真係唔會再揀蛋類食物😅 豬扒飽就正常味道。最出色最驚喜係杯咖啡,佢帶有微酸,少少的甜味,好濃郁的咖啡香,真係好味,當然唔係專業的咖啡愛好者會鍾意的口味,應該係地道個種好味😋
之後我地就去左附近行下,都有好多小店的,感覺好慢活😝之後見到安德魯餐廳,我地就見因為官也街的安德魯葡撻係長期都好多人排隊,路環lee 度就有堂食,有外賣,門面都好靚,因為我地食左野,所以都係買一個黎食就算,可能因為早,所以就唔多人😎個葡撻熱辣辣🔥, 好有蛋同牛奶味,滑滑溜,好味。
之後就去左漁人碼頭,因為我爸爸媽媽係附近賭場玩😂。因為漁人碼頭一直聽人地講無野睇,無野行,我地今次第一次踏入漁人碼頭,其實都好靚,有個好似羅馬鬥獸場,又係一個打咭位。但有好多店鋪都應該因為疫情所以變左好多吉鋪,留落黎的大多都係食肆,最後我地揀左間強記火煱,因為佢有炭爐打邊爐,係香港可能都係第1-2間,但係大排檔樣,佢都一樣係露天,但對海,認真好正😊 炭爐可以揀的湯底有限,我地揀左個椰子雞湯底,都好清甜,但都有好多味精😟
食完就反香港,今次要自己搭車去關口,我地揀左係金莎娛樂場度搭shuttle 去反關閘,但要係氹仔碼頭轉一程。過左關之後就拎反架車直接屋企lu, 真係好舒服😌
#境外遊 #週末遊 #trip #放鬆 #澳門週末遊
路環漢記咖啡
澳門荔枝碗馬路路環市區荔枝碗路
強記火鍋 情懷老店
澳門友誼大馬路澳門漁人碼頭
可以在香港運輸署申請港車去澳門停車場東禁區紙
記得去澳門要買澳門保險(9日)
The Fisherman’s Wharf is a place you can sightsee the long bridge that connects the Macau, HK, and Zhu Hai. The colosseum copied is not culture appropriation. It is a symbol of prosperity of Macau.
澳門漁人碼頭是一個獨特的打卡勝地,以其像羅馬鬥獸場的特色聞名。這裡擁有歐洲一般的環境,讓人彷彿置身於遠離亞洲的大陸風情中。遊客可以在這裡享受美妙的氛圍和拍攝獨特的照片。
景色很好,只是人氣不足。有飯店有小吃有仿製的古羅馬斗獸場,來拍照的不少,來消費的不多。離澳門科學館步行可達,附近有金沙酒店等
位於澳門半島,旁邊就是金沙酒店。這裏不算是遊客熱門的景點,人不是很多,不過這裏可以眺望海,風景不錯
澳門漁人碼頭的夜景迷人!充滿活力的燈光裝飾主題景點,營造出熱鬧的氛圍。色彩紛的建築和錯綜複雜的設計在天黑後生動地展現出來,爲悠閒的漫步提供了迷人的氛圍。在夜空的背景下,體驗娛樂、餐飲和風景如畫的混合,這是一個令人愉快的地點。
這個地方離澳門海事碼頭很近,被認爲是澳門主題公園和航運區的第一,地方很漂亮,很有魅力,拍照的地方很多