觀瀾湖生態運動公社

#大灣區景點 呢度面積好大，分咗好多個區域，有好多唔同嘅遊玩設施，大人小朋友都啱玩。 兒童遊樂場 有旋轉木馬/超大型組合滑梯/動物搖搖/秋千，仲有射箭區 機動遊樂城 有摩天輪/碰碰車/太空漫步/海盜船/跳樓機等 卡魯冰雪世界 有滑雪場/戲雪場/溜冰場 另有小型嘅小動物區。 而運動場地 有網球場/足球場/籃球場/卡丁車 公社門口就係觀瀾海洋世界，對面犯觀瀾湖新城MH MALL。

觀瀾湖生態運動公社其實好大，很多玩樂設施，其中一個是機動遊樂主題園區，內含深圳首家大型摩天輪、太空漫步、碰碰車、海盜船、異域古堡、颶風飛椅、卡丁車等機動遊樂嘉年華項目。排隊的人不算多，我們在這裏大約2小時，玩了6至8個機動遊戲，適合喜歡刺激的小朋友。 #觀瀾湖生態體育園 #親子遊

最掛住深圳，因為消費低，景點又多打卡位。 呢個深圳觀瀾大地生態藝術園，之前有介紹過園內遊樂場區，其實除左遊樂場，園內好大，仲有動物區，付費機動遊戲區，還有大量影相打卡位，不要錯過沿路嘅牆身壁畫，隨便行埋去唔駛擺任何pose，就可以輕鬆影出靚相。 #我好掛住#主題公園指南

我好掛住～觀瀾湖大地生態藝術園個遊樂場，因為地方好大，設施好多好好玩。 沖繩遊樂場去得多，估唔到深圳觀瀾湖都有一個咁高層咁好玩嘅遊樂場。呢度有沙池、長滑梯、繩網、攀爬設施，設計新穎特別，設施仲好多元化，帶小朋友黎玩一定好開心。 建議秋天／冬天去，整個遊樂場都無遮蔭位，好曬好熱。 生態園就在Hardrock Hotel旁，步行過去大約十至十五分鐘。唔想行～亦可以坐免費穿梭巴士到達。 #最型新年旅行#我的聖誕玩法#旅行靈感#春天去邊玩#跨年好去處#境外遊#親子好去處懶人包#超好玩的主題樂園#親子好去處#我好掛住#主題公園指南

春天，觀瀾湖的櫻花盛開，如詩如畫～ 走進觀瀾湖，彷彿進入了一個粉色的夢幻世界。成片的櫻花樹綻放著美麗的花朵，微風吹過，花瓣如雪般飄落，美不勝收。櫻花的顏色有粉白、淺粉等，花瓣輕柔如絲，給人一種溫柔和浪漫的感覺～ 櫻花的花期較短，所以每一次的相遇都顯得格外珍貴。每年春天，觀瀾湖的櫻花都會吸引眾多遊客前來觀賞，人們在花海中拍照留念，記錄下這美好的瞬間～ 除了櫻花還有遊樂園，冰雪世界等等，櫻花不是很多，但是要門票，哈哈，噱頭！ 地址:深圳市龍華區高爾夫大道1號 交通指引:深圳地鐵4號線觀瀾湖地鐵站A口下後步行300米。

#新年好去處2024 #深圳好去處 #深圳酒店 #家庭樂 #小朋友放電之選 農曆新年🧧一家大細出外遊，近近地觀瀾湖係首選☑️ 由西九龍直達到福田站，處理完銀行事宜就遇到新年巡遊，簡直係假期噶好開始😸 因為人太多，打卡一班有型有款噶車手就趕往目的地--觀瀾湖生態運動公社。搭地鐵🚇直接到觀瀾湖站出口就係公社入口，非常方便。而公社噶另一邊就係一個大型購物中心🛍️，食飽放完電就可以嚟呢度叉叉電補充能量💪🏻 地鐵站E出口就係硬石酒店🏨，內裡裝修非常可愛，而且酒店整體係搖滾🤘🏻風格，非常適合活潑可愛噶小朋友👧🏼🧒🏼 因為節假日噶原因，先前預定噶大房full曬，但酒店都非常貼心幫我升級到一個套房，望出窗外就係觀瀾湖商場，外景非常開陽光猛。 第二日已經迫不及待要去體驗運動場。入場前可以根據自己需要係門口的左手邊購買體驗套票，當然亦都可以先入場巡視一番，睇下有冇啱自己同小朋友玩噶項目再消費。入場直接都可以係右手邊睇下有冇電動車🛵可以揸翻一架，因為場地比較大，帶住小朋友噶話會比較方便。 最大噶亮點係新增噶滑雪場⛷️，場內的滑雪服雪靴滑雪板🎿可以租用，即使唔滑雪都可以帶小朋友娛雪區堆下雪人☃️ 大朋友中意尋求刺激都可以去卡丁車場🏎️兜翻兩圈，又或者可以兩父子一同落場感受速度帶嚟噶快感💨 新春期間剛好遇上場內噶櫻花展🌸展期大概係3月底結束，有興趣都可以帶中意賞花噶屋企人朋友一齊去。 運動場行程結束我哋又去到靠近深圳北站噶紅山站附近解餓。紅山六九七商業中心都係一個非常有特色噶商場🛍️有興趣可以去了解下，我就揀咗間未試過噶銅鍋涮肉，餐單上表明係北京特色，鍋底都只係礦泉水➕少量噶香料，講求一個清、鮮🐏羊肉唔臊，搭配各種醬料配合，帶出肉鮮味，的確值得一試。

雖然名字有點長，其實就是一個小型主題樂園🎢 想不到基本上各種刺激的機動遊戲都有 入場收入場費，然後各項設施個別收費 微信或支付寶支付就可以 園內還有一個室內滑雪場：卡魯冰雪天地⛷️ 一家大細可以還足一日👍 #新年好去處2024#放鬆 #週末遊

#大灣區必去打卡點 觀瀾湖生態運動公社，位於國家AAAAA級觀瀾湖旅遊度假區，占地22萬平方米，是深圳北具有生態旅遊、體育、休閒、娛樂等功能的綜合主題景區。 園區內綠意蔥蘢，景色宜人。在生態主題方面，獨特的森林及水庫景觀、廢舊輪胎公仔景觀、綠茵草坪、樹林山地自行車賽道等美景互相點綴印襯。親子主題配備了大型露天兒童城堡、旋轉木馬、動植物園、兒童推杆果嶺等專案，絕對是一家大小週末遊玩的好去處哦。 體育主題也是園區的一大特色。這裏擁有8片符合規定的比賽用網球場，其中還包括擁有3000個座位的中央網球場。除此外，喜愛戶外活動的遊客還可以選擇射箭、卡丁車，沙灘排球場、CS野戰基地、拓展攀爬等運動專案哦。 這裏絕對推薦大家來逛逛哦。 詳細地址：深圳市龍華區觀瀾街道高爾夫大道1號 門票費用：入園門票45元 (成人票） 開放時間：09:00-18:00（有時晚上也有活動哦）

由落馬洲福田搭九個字嘅車程，就有個可以畀新手滑雪練習嘅地方，平日中午嚟到真係好少人呀！三個鐘頭內（換衫用咗半個鐘）都滑到十幾次 ，建議著heat tech就夠了 ，自備防手滑雪手套同及膝長襪🧤，不過場內嘅單板鞋得舊式綁鞋帶同扣嘅binding ，無快穿，著鞋已經用咗唔少時間啦 識滑嘅、有鞋就自備啦 #境外遊 #聖誕好去處

#深圳親子之旅 #玩轉觀瀾湖 #中秋好去處 爭取時間，第二朝一早起身，返返去觀瀾湖新城，新城裏面有好多嘢玩，其中VR同埋門外嘅小型機動遊戲，都係好玩到你唔捨得離開🤣🤣，大約中午時候我哋就去咗⭐️筷樂記食lunch，之前有朋友去過，話D嘢食好食，仲有懷舊feel我哋當然唔會錯過，果然坐得舒服嘢食好味👍👍😋，食飽之後就唔嘥時間去我的重點推介 ⭐️卡魯冰雪世界 裏面分有～娛雪區☃️，同滑雪區⛷️，我哋揀咗娛雪區，話晒比卡⚡️第一次接觸❄️當然要俾佢盡情𣈱玩，掟吓雪球，坐吓雪橇，瀡下大水泡，真係開心到不得了，跟住去食個晚飯攞返行李🧳（順帶一提，商場設有行李儲存櫃，可以慢慢玩完先拎行李返酒店）去觀瀾湖新城北門的西西弗書店門口，搭C線穿梭巴士前往東莞觀瀾湖酒店🏨，（記得每小時搭正一班車）去到酒店比卡開心到飛起🤭因為今次我哋住親子房，房間好大，有張碌架床，有書枱仔，圖書📖，LEGO，有公仔🧸，仲要有個露台、佢真係開心到彈起😄 第二朝一早起身，喺酒店會所一樓大廳千樹里，嘆番個早餐buffet先，食物都多選擇中式西式，湯粉，粥，麵包糕點好多選擇味道都唔錯👍👍，食飽飽當然要玩下酒店嘅設施啦，兒童樂園🎠蹦跳樂園，迷你高爾夫🏌️♀️，樣樣都啱玩仲影咗好多3D相添🤣，估唔到裏邊仲會有萌寵店，裏面啲動物好可愛😻，最後我哋check out之後，再搭返穿梭巴士去返觀瀾新城玩多陣，再shopping吓就結束我哋三日兩夜之旅喇🎉🎉🎉 總結；今次觀瀾湖之旅，真係好好玩，地方大，小朋友玩嘅嘢又多，好適合親子一家大細去玩，如果唔嫌時間趕其實兩日一夜都夠玩，如果大家都想北上，觀瀾湖都係一個唔錯嘅選擇，大家不妨考慮吓😄 地址：東莞觀瀾湖度假酒店 #中秋度假好去處 #暑期去邊度玩 #北上深圳 #大灣區好去處 #深圳好去處 #5a級旅遊度假區 #親子度假酒店 #觀瀾湖度假酒店 #地鐵直達 #深圳美食 #深圳滑雪 #卡丁車 #玩樂情報 #育兒日記 #親子活動 #親子好去處 #親子blogger #親子博客 #媽媽最錫係比卡 #hkkids #hkig #kidsmodal #hkmama #coollikehk #COOLHKG #kidsinfluencer #hkblogger

❄️❄️觀瀾卡魯冰雪世界🫶🏻 香港人想玩說最近的後花園❄️☃️⛄️香港過關之後坐地鐵或者call車啊! 約一個小時就會到觀瀾站，在門口處何掃QR code買門券，之後在原路行約10分鐘就會到冰雪世界，面積不及廣州融創的大，但是如果對香港人來說也是一個不錯的選擇，而不想玩說可以在橋底的咖啡廳食點小食喝過熱飲☕️#週末遊 #境外遊 #深圳遊

2023830 暑假期間Milk媽一家北上去度假，我哋真係完全冇idea去邊度玩，問咗唔少朋友意見，都建議上觀瀾湖，佢哋話嗰度好多小朋友嘢玩，啱曬一家大細去，Milk媽 就不停睇資料，最後就揀咗東莞觀瀾湖度假酒店，join左 package，有得玩，又有餐飲，價錢仲好優惠。 我哋第一日上去喺落馬洲過關，福田口岸港鐵4號線直達觀瀾湖度假區，45分鐘左右就可以到達觀瀾湖站，我哋喺 A 出口出，首先就去醫肚，我哋用餐飲券去左鄉村俱樂部筷樂記餐廳，餐廳風格復古，主要食港式風味菜式，坐得舒服，食物岩口味，嘆過美食之後，去隔離生態運動公社，入邊勁多嘢玩，但係我哋今次主打嘅就係去卡魯冰雪世界， 我哋手持招待票，所以可以一次過玩滑雪及娛雪，正常入場，就已經要決定滑雪定娛雪，著的鞋不同，我哋一家係第一次體驗滑雪，原來滑雪都幾難，雪板同雪靴都真係幾重，我哋叫做體驗過滑左陣，之後就換咗娛雪嘅靴周圍玩，奕臻玩到好開心，又玩幾層樓嘅瀡滑梯、滑雪圈、雪橇、雪地車等，仲有好多雪地裝飾可以打卡，如冰雕、北極風建築等，2小時真係唔夠玩， 入面好似好多嘢未玩曬 ，同埋比我想像中真係唔係好凍，奕臻話下次要同埋表哥表弟佢哋再嚟。 之後我哋等到傍晚冇咁熱，再入去玩卡丁車，有分兒童區同大人區，奕臻玩完兒童區，再同奕爸坐雙人車玩大人區，佢哋兩個玩到好開心，仲話好刺激，之後已經入夜，出返嚟嘅時候，就係有星辰大海燈光秀，真係勁靚，勁多打卡位，我哋一路行影咗唔少相，之後出返嚟係對面觀瀾新城商場簡單醫肚，之後係商場北門的西西弗書店門口乘搭C線穿梭巴前往東莞觀瀾湖度假酒店。 大約40分鐘左右就到達酒店，我哋訂咗親子兒童主題客房，一打開門奕臻已經好興奮，除咗有兩張單人床，仲有一張兒童佈置碌架床，每張床都好闊落，真係可以瞓六個人都得，廁所又超大，有浴缸有企缸，個衣帽間又好大，所有設備都好齊全，亦有小朋友用品同玩樂空間，仲有個超級大嘅露台，望到出面嘅風景超級靚，我哋當晚都好攰，浸完浴沖埋涼就休息啦。 第二朝起身，首先去咗千樹里餐廳食自助早餐，早餐款式都好多，而且坐得好舒服，食物都好有質素，食飽飽之後，我哋就爭取時間去會所嗰邊玩，入面又係超多嘢玩，兒童樂園、蹦跳樂園、健身室、迷你高爾夫、泳池設施等，由於時間關係，我哋玩左室外迷你哥爾夫，然後就去咗蹦跳樂園，本來都想去游水，但係天色突然轉差，所以就留守咗喺兒童樂園，繼續玩到夠鐘，最後check out時候，我就帶咗奕臻去萌寵店與小動物互動，時間啱啱好，我哋就搭咗十二點鐘車出去觀瀾新城，繼續行下食下嘢，咁就完成咗我哋兩日一夜之旅啦。 但其實好多地方都好想去，未玩夠，下次真係要最少安排三日兩夜先夠玩，淨係生態運動公社同觀瀾新城，仲有酒店入邊設施，都夠你玩足幾日幾夜呀。 #暑期去邊度玩 #北上深圳 #大灣區好去處 #深圳好去處 #5a級旅遊度假區 #親子度假酒店 #觀瀾湖度假酒店 #地鐵直達 #深圳美食 #深圳滑雪 #卡丁車 #親子blogger #媽媽blogger #小雞奕與Milk媽 #Ajaxchan