埃斯卡納自由行旅遊攻略（2026）：附近熱門好去處、人氣景點、行程規劃、住宿、美食、交通、天氣等等——重要資訊一文睇清（於2026年9月更新）｜Trip.com

📅 行程安排 Day1:到達Ibiza已經夜晚9:00,我哋目的地係叫es canar,還要半小時車程,所以直接去酒店,已預先網上check-in(酒店名稱Typic Art,行去最近沙灘大約3-5mins) Day2: 出去食個早餐,直接去Punta Arabí Hippy Market,好多野行,買唔買到野睇自己喜歡,我自己有買到喜歡手信,但這個hippy market只在逢星期三開放,足夠行你小半日,之後沒食午餐,因為在market食左小食,所以直接去享受陽光海灘,海灘亦有提供收費既水上活動,比較適合一家大細,直接玩到大陽落山,就行返洒店沖涼,之後就去晚餐,去左一間食鐵板燒肉的,飲杯啤酒,好relax 的一日 Day3: 照舊出去食個早餐,其實沙灘傍邊有好多餐廳,望住個沙灘好舒服,所以堅決每日都要出去食早餐😛,本身諗住去睇Glass bottom boat ,但最決定去鄰近一個小鎮,搭的士大概10分鐘,叫做Santa Eulària des Riu,佢有個教堂,影想好靚,但如果行上去係比較吃力,如有小朋友建議搭的士,我自己喜歡行上去,沿途可以睇吓風景同影吓相,教堂叫做Mirador de Santa Eularia des Riu,之後起個鎮周圍無目的咁行,自己探索吓係另一番享受,之後指定動作,返洒店沖涼,返洒店前買左個下午茶,西班牙海鮮炒飯,但選擇外買回酒店慢慢食,因為Ibiza 真係好熱,洒店有冷氣俾我降温😂,之後又去沙灘盡情享受,夜晚去左一間望住海景既韓式BBQ,食物中等,可以入口,我叫左牛肉同豬肉去燒烤,同埋韓式炸雞,但個景真係好舒服👍(唔知點解兩日都食燒肉😂😂) Day4: 11:00am前要check out,照舊去食早餐,享受旅程最後一日望住個海去食早餐,唔錯👍。我回程係夜機,所以checkout後直接去Ibiza 嘅市中心,行李安排,我用一個Apps叫做bounce,佢係可以選擇好多行李寄存點,係收費的,但我覺得值得而合理,如果唔係你拎住行李周圍行,我覺得實在太麻煩。Ibiza市中心真係繁榮好多,有名牌,有小店,還有小朋友喜歡食的麥當勞🙈。周圍行下,之後去左Dalt Vila附近,影相打卡一流,有間cafe叫做S'Escalinata,係一間開喺石階梯上面嘅cafe,坐bean bag 飲嘢+睇風景,值得一試✌️在Cafe沿住上山方向一路行,沿途影相非常多提材, 我足足喺嗰度逗留咗三四個鐘,之後食過早啲嘅晚餐就回機場,今次晚餐選擇終於唔係食燒肉,食咗一間西式餐廳。提提大家,如果買唔到手信唔緊要,Ibiza 機場入邊亦都有幾間專賣手信嘅舖頭,但價錢比較貴少少⚠️ 🏨 住宿推薦 :我自己住嗰間,我認為可以的,如果你budget行先,但我住嗰間酒店,係望唔到沙灘,只係行去沙灘比較近,如果你要望住個沙灘嘅酒店,亦都好多選擇,但價錢相對亦會貴啲 🍴 美食推薦 :我冇選擇太多種類嘅食物,但係我都建議望住海景BBQ嗰間餐廳👍(餐廳名叫做Jacaranda Little Korean BBQ) 📌 實用Tips :大部分都可以用卡付款,但最好換定少糧現金,有D小店只收現金💰