九洲深度自駕遊11日(連行程、旅費)
香港終於開關,同男朋友拍咁耐拖都未出走過,難得出走,今次決定自駕遊去九洲!
好好彩今次係係香港快運買到快閃機票,一人加埋行李來回只係1700蚊❤️🔥。我地簡左日本嘅Tabirai租日產Nissan做我地嘅戰車,因為出發前行程有變,遲左租車,7日連埋過路費係4000(已包NOC免責保險、ETC)。本身出發前兩星期Book 9日唔計過路都係2800炸🥹)
難得倆小口第一次旅行,我地又打算到大分玩(溫泉之都),就book左間係黑川溫泉附近嘅御宿野之花(2600一泊兩食,算貴但係係黑川唯一一間有房間溫泉嘅酒店,野食超好食!)係博多就住普通酒店,大概260蚊晚,總共住左6日;熊本較少酒店,就簡左BNB(極度推薦去日本住BNB,夜晚燒肉食一流)大概550一晚,住左4日)長崎都簡左BNB,大約350晚,冇車去會較唔方便。
行程:
Day1
下午到福岡,返到酒店都已經7點左右,就是旦食左間拉麵,大約45蚊港紙。宵夜去左當地超市買Sashimi食,比較晚買,一盒魚生先330yen,18蚊港紙炸😍
(洗費60)
Day2
男朋友仲未黎到福岡,自己就去左行天神地下街、博多,午餐晚餐都係食拉麵😋是日洗費唔過150蚊(夜晚又買宵夜、幫家人買野)
Day3
瞓到晏一晏,行左去中洲商店街食百年鰻魚飯,盛為120港紙,但唔覺特別好味就唔推介。食完去左隔離嘅櫛田神社睇下,然後去左大濠公園。大濠公園環境清靜,唔少當地人都係到散步。有時間黎呢到行下都好好嫁!有幾可見有鴨同白露會停係到捕魚、飲水!
Day4
男朋友終於到福岡,一落機就拎車去大分嘅別府溫泉😍偏遠,但都值得去因為冇咩地方會有咁多溫泉係曬到,而且都好多足湯比你浸。去完就去溫泉酒店happy
(除左過路費,係七仔買左45蚊野就冇用到錢)
Day 5
呢日落雨,退房後就去左黑川溫泉街行下,然後再去高千穗。高千穗好靚,特別有獨木舟划,好特別嘅體驗,落雨玩都好開心。我地仲食左流水麵,意外地唔錯,好食又好玩。夜晚我地去左買宵夜食,買左大約50蚊左右,然後就早早瞓了。
(流水麵大約60蚊港紙一人,租船用左好似大約200蚊兩人左右,加埋宵夜同黑川溫泉嘅小食,大約用左200蚊左右一人)
Day6
今日原本去睇火山嫁,但仍然大雨,結果一早出發都要原途折返,返旅館。瞓醒就去左由布院啦!去到由布院,我地就醫肚覺,食左好出名嘅まぶし心,食赤牛同鰻魚。食完就行下,食下當地小食,0伏。男朋友話冇去過機鋪玩,就帶佢去左Round1仲打左棒球。
(兩個飯加埋300蚊,小食大約食左120蚊,機鋪玩左60蚊左右,總共250蚊一人)
Day7
終於有太陽,一早出發去阿蘇火山。可惜當日風向唔穩,我地玩唔到熱汽球,就係附近睇下。去左草千里騎馬,騎完1130左右就book玩直升機睇火山(如果想坐一定要朝早book,當日1130拎而鋪頭開11點,拎到飛嘅號碼已排到下就4點9,但直升機收5點半)拎完飛就帶男朋友食當地嘅鄉土美食—白水乃藏,物超所值!然後食完去下附近嘅白川水源再返阿蘇火山。阿蘇火山係世界唯一一座可以近距離接觸嘅活火山,我地係衝住佢黎九洲!玩到直升機真係超開心,景都超靚,個種震撼要親身體驗先明!當日火山好穩定,玩完我地就上火山睇火山。回程帶男朋友去左日本當地好受歡迎嘅workman買衫,晚上食左熊本拉麵再食馬肉,聽下busking ,仲比左錢點唱First love再去機鋪玩。
(白水乃藏燒肉300兩人,騎馬大約30蚊一人,馬肉食左350兩人,拉麵大約50蚊一人,是日洗費總共約300一人。買衫一人大約用左300蚊)
Day8
呢日我地瞓醒就連人帶車坐船去長崎,船飛一早網到book左。一去到長崎就揸車去豪斯登堡。豪斯登堡仿效歐洲,好似荷蘭咁,係日本最大嘅遊樂場,環境都好靚。有機會都可以黎玩下佢地嘅歷奇冒險同VR。夜晚就食當地居酒屋,全部好好味😍同老闆講特登係香港黎,好好食,佢都好開心。走個陣仲見到地下啲溫泉煙係咁湧上黎,好得意啊
(船飛大約150一人,遊樂場門票250一人(經klook 買3點入園)居酒屋260兩人,洗費約430一人)
Day9
呢日起身就返博多食Omakase,所有野都好好味好甜,仲食左人生物一次食嘅魚子醬🥰臨走同師傅影左張。然後去左太宰府,太宰府係祈求學業好地方,讀緊書嘅我,梗係去朝聖下,希望繼續GPA過3啦!然後我地夜晚食博多必食嘅華味鳥水炊雞,十分鮮甜,果然係蒙嘉慧都介紹嘅餐廳!食完行下就去左食屋台,氣氛好好,會有唔少食客同你傾計。佢地英文都唔差嫁!發音好好。傾得好開心!佢地對旅客好熱情,自己用日文同佢地閒聊幾句都好開心!
(Omakase我地食貴,食左一人約900蚊,水炊雞一人200,屋台337兩人, 一人洗費約1250)
Day10
呢日我地book左餐廳食牛腸鍋,牛腸好甜,叫一人份都岩岩好,我地都叫左餃同叉燒但叉燒較鹹,可能係用黎比人配酒食用。1點就還車後就去左博多站買下手信,必買有明太子、明太子蝦餅同長崎福砂屋嘅蜂蜜蛋糕)夜晚我地就去左食拉麵(前一日屋台師傅介紹,但唔係豬骨拉麵)再行下屋台跟住去機鋪玩😂再食一雙同買左啲魚生返酒店食。
(牛腸鍋加其他小食人均80,手信大約買左200左右,兩個拉麵加埋大約85蚊左右,魚生加飲品買左80兩人,機鋪玩大約用左150兩人,一人約400蚊)
Day11
一早係7仔買早餐啲野就去機場,入到閘口見到royce就係咁掃😛
(早餐兩人約60港紙再加前一日食唔曬嘅魚生,買手信大約買左400蚊)
洗費:
機票:1700(加埋行李(去加20,回加40))
酒店:3430
食玩:3603(自己再買藥妝啲野加多1500左加)
車加過路:2000一人
總共:10,733一人(大約)
自己拎左8000蚊(車嘅費用係當日拎車先比)黎玩都夠用,Budget有限,想深度體驗日本人嘅生活,自駕,九洲真係好岩你地!#福岡 #熊本 #長崎 #九洲 #阿蘇火山 #日本自駕遊 #自駕遊
唔講唔知 櫛田神社是博多的守護神具有最古老的歷史要求身體健康 不老長壽 生意興隆🎏 就要黎呢度門口棵 銀杏樹 聽說有1000年歷史是福岡縣的指定天然紀念物入面都好多打卡位 好靚又有種好寧靜 舒服的感覺
櫛田神社為博多總鎮守,當地人暱稱為「櫛田家」,可見櫛田神社深受當地日本人愛戴💘櫛田神社主要保佑「不老長壽」與「商業繁榮」🤩 拜神殿前有個鶴銅雕,前面有一個靈泉,據說飲咗可以延年益壽,舀出嘅水,要分三次飲用,第一口為自己飲,第二口為家人,最後一口係為身邊所有人祈禱飲用😛一場來到,我當然都有試下!櫛田神社嘅建築風格都好有特色呢😍 景點好近市區,行完街不妨過嚟拜拜😙
中洲重要的神社之一,祭典活動都很有日本的氛圍,四周種植的植物也會隨著氣候變化,很棒的神社,來到福岡可以來看看哦!
very nice, spectacular and characteristic, thanks for your sharing
這是非常有趣的地方去這裏
Chlamydian Shrine is located in the east of China. Chlamydian Shrine is an important shrine in Bodo and is very popular with the public. Legend has it that it was founded in the first year of Tianping Baoyu. It is the patron saint of Bodo. It is well-known for the meeting place of a garden and a mountain hat. A large ginkgo tree in the shrine has been designated as a natural treasure. The tree is sung in the "Bodo Celebration Song" and is famous for "Ginkgo biloba in the fields". Every year, on July 1.15, many tourists visit this grand ceremony. Especially on the last day of the ceremony, from late night to dark, the crowd is very busy.