https://hk.trip.com/travel-guide/personal-home/956C70EB5B5585914FFF51185E41BFD8
_ericaaaac_
識玩專員
中國香港
6貼文
22粉絲
56追蹤中
追蹤
勛章
_ericaaaac_已獲得3個勛章
達人評論家
新手評論家
資深評論家
- Trip Moments
- 評價
- Blog 網誌
古色古香赤坎古鎮，少小離家老大回
十年前在赤坎城河旁蹲著吃黃鱔飯；
十年後已成旅遊景區回味讓子彈飛。
港珠澳大橋打哈囉直到開平，連高速公路費用才250人仔，實在好過四小時的直通巴！
赤坎古城距離大潤發地標約12公里，打車約30蚊人仔。門口有大大個粉紅色landmark『赤坎』，仲有一段河道及古樓可以拍照，這些都是免費的。
之後入內園需要付費，到場掃code付費入場最便宜，110人仔兩個人。另外可以加錢坐園內電車及貢多拉船仔，不過我覺得靠雙腳走，可以拍更多美照。 由於古鎮景區才修好半年多，遊人實在不多，可以充份利用所有街道打卡景點。
園內還有不少商店食肆，全都融合在各色的古城建築內，園內走一圈至少都要2小時，若果需要仔細探索，一天也少不免了！
好好懷舊各大影帝影后的拍攝地方！ #風再起時 #讓子彈飛
_ericaaaac_
地址－沙田石門
環境／設施－環境優美，遠離煩囂
特色－房間大，鄰近城門河及石門站
人均價格－$800/per night
評分－8/10
第一次入住沙田萬怡酒店，知道佢之前係檢疫酒店，所以一直都無機會Book到。趁新年假期係trip.com book個staycation。
本身住沙田，所以石門站行過去都方便，大概7至8分鐘。酒店 樓下有惠康同麥當勞，十分方便。附近有京瑞廣場一及二期，都係幾分鐘腳程，行街食飯都完全無問題。
是日假期checkin都唔洗等，前台姐姐工作效率高。係酒店太大唔識路。
房間好大好靚，張床夠柔軟舒服，仲有張sofa十分唔錯。好多位都有玻璃同鏡，空間感幾好。入門口已經有空氣清新機，沿室全白色夠乾淨整潔。自己帶左紅酒去飲，唔小心打爛左隻酒杯，酒店都唔洗我賠。
整體十分唔錯，800蚊內住到，人均都唔洗400，下次決定再試下佢個早餐同buffet 。
_ericaaaac_
#香港好去處 元朗天水圍濕地公園
位於天水圍的濕地公園，乘坐西鐵在天水圍站再轉乘輕鐵前往濕地公園站落車就到。
濕地公園一共分為訪客中心和濕地保護區兩大部份。入場費都係30蚊，不過12月1月紅葉盛放，入場人數特別多，所以亦不建議駕車。
入場有好大的訪客中心，有餐廳，有攤位活動，亦有室內活動的遊樂場，不過都需要取籌及排隊。
保護區非常大，絕對可以消耗一整天，除了花草樹木，鳥語花香，還可以觀鳥，適合大小朋友放電及拍照。
另外場外有一個大斜坡草地迷宮，很多小朋友都喜歡在此追逐一番，樂而忘返。
_ericaaaac_
天氣凍凍地，梗係最適宜去BBQ😋
#親子好去處
今次就揀左係大尾篤既燒烤場
鴻運燒烤皇
#大尾篤
星期日親子時間，叫屋企人一齊去
大人$180 小朋友$110 唔算貴 另外50蚊開爐
最緊要場內設施免費。
不過whatsapp book場基本上都無回覆。
Walkin亦唔見爆場，所以做必要落訂book
係大埔火車站坐75K入去，汀角站落車就係。
留意75K班次好疏，同埋總站先有位坐。
入場感覺好舒服，燒烤場有蓋，有好大個吹氣彈床俾小朋友玩，而且仲有單車，等等。
小朋友可以自由去玩，大人又可以燒燒燒。
小朋友反而係玩到唔想食野，彈床分好多節分流入場，不存在人太多危險。
入夜景色有燈飾，十分不錯。
不過炭太少，每個爐只有一包炭一個蜜糖，根本不夠用，人多也只是一樣。食物都係正常大路野，有錫紙提供，值得讚。
_ericaaaac_
"帝都酒店lunch buffet"
_ericaaaac_
#郊外好去處
地點： 大嶼山 東涌 鳳凰山第二段
景點： 大東山芒草 二東山
時間：約3. 5小時（拍照另計）
適逢十一月，秋高氣爽，又踏入芒果盛開季節，最適宜去欣賞一轉芒草黃金景色。
由東涌港鐵站乘坐『3M』巴士，前往『南山三屋村』落車，留意巴士班次比較疏，遇有節日基本上排隊排到天荒地老，最好選擇平日時候上山。
車程都要30分鐘，留意三屋村站，未必有太多人下車，大部分行山人士會走伯公坳。三屋車下車後，旁邊有明顯的「大嶼山郊野公園」牌坊。之後沿「伯公坳」牌方向起步，我們由「南山」往「伯公坳」這一段，名為「鳳凰徑第二段」。
這一段開始頭一小時都係上山，但沿途景色秀麗，可以遠眺梅窩及銀礦灣一帶，若果有雲層，路段十分舒服。
一小時過後，就開始見到芒草的蹤跡，一直沿路牌往「伯公坳」方向，都不會錯路。漸漸地就會發現一片片金黃色的芒草，由二東山至爛頭營，每一步都是拍照打卡的好地方。基本上拍照的時間比行山還要多，而且遊人絡繹不絕，大家都忙著找個好位置留倩影。
到了大東山的爛頭營，遇上雲霧蓋頂，猶如仙境一樣，加上漫山遍野的芒草，真是非筆墨可以形容！有些人會等埋日落，來一個完美的打卡。
拍照完畢，繼續往伯公坳方向，漸漸地呈下山之勢，沿途亦不乏芒草的伴隨。走到伯公坳，已經十分滿足，可以緩緩的坐巴士離開，返回東涌。
_ericaaaac_