【中國熊貓】2026中國動物園熊貓攻略:成都、都江堰、臥龍14個園區門票、交通及開放時間
目錄
- 中國熊貓景區 | 14 個動物園與熊貓基地一覽表
- 中國熊貓景區 | 四川熊貓大本營:成都、都江堰、臥龍
- 成都大熊貓繁育研究基地
- 熊貓谷(都江堰繁育野放研究中心)
- 都江堰中華大熊貓苑(原熊貓樂園)
- 臥龍中華大熊貓苑神樹坪基地
- 中國熊貓景區 | 華北:北京、大連、濟南、洛陽
- 北京動物園
- 大連森林動物園
- 濟南動物園
- 洛陽欒川竹海野生動物園
- 中國熊貓景區 | 華東:上海、南京、杭州
- 上海野生動物園
- 南京紅山森林動物園
- 杭州動物園
- 中國熊貓景區 | 華南與西部:廣州、重慶、西安
- 廣州長隆野生動物世界
- 重慶動物園
- 陝西秦嶺四寶科學公園
- 中國熊貓景區 | 實用貼士:幾時去、點買票、帶細路要注意啲咩
- 幾時去好?
- 門票點買抵啲?
- 時間唔多,點揀園區?
- 帶小朋友去要注意啲咩?
- 中國熊貓景區 | 住宿建議
- 成都熊貓基地動物園憬黎酒店
- 全季酒店(成都熊貓基地龍潭寺店)
- 大熊貓常見問題 (FAQ)
- 大熊貓參觀的注意事項
- 大熊貓的冷知識
展示更多
中國邊度有熊貓?睇中國大熊貓,成都、都江堰、臥龍係大本營,北京、上海、廣州、重慶等動物園都有得睇。呢篇一次過盤點 14 個中國熊貓景區,逐個列齊門票價格、交通同開放時間,睇完可以計劃行程。
先睇總表,用城市同票價揀心水熊貓動物園。全部票價為人民幣,優待票與預約細則以各園方公布為準。
| 園區 | 城市 | 成人門票 | 開放時間 | 熊貓亮點 |
| 成都大熊貓繁育研究基地 | 成都 | 55 元,學生 27 元 | 3–10 月 7:30–17:00;11–2 月 8:00–16:30 | 規模最大,明星熊貓和花 |
| 熊貓谷(都江堰野放中心) | 都江堰 | 55 元,學生 27 元 | 5–10 月 7:30–18:00;11–4 月 8:00–17:30 | 半野放山溝,人少好影 |
| 都江堰中華大熊貓苑(原熊貓樂園) | 都江堰 | 暫停營業 | 暫停營業,重開待園方公布 | 待重開 |
| 臥龍中華大熊貓苑神樹坪基地 | 汶川 | 90 元,半價 45 元 | 9:00–17:00,16:30 停止入場 | 高海拔,冬天雪地打滾 |
| 北京動物園 | 北京 | 旺季 15 元,聯票 19 元 | 旺季 7:30–18:00 停入;淡季 16:00 停入 | 萌蘭、萌大、萌二 |
| 大連森林動物園 | 大連 | 旺季 120 元,淡季 100 元 | 5–10 月 8:30–16:00;11–4 月 9:00–16:00 | 飛雲、金虎、妙音 |
| 濟南動物園 | 濟南 | 25 元,半價 12.5 元 | 6:30–17:30,17:00 停止入園 | 華奧、雅吉 |
| 洛陽欒川竹海野生動物園 | 洛陽 | 85 元,套票 190 元 | 8:00–18:00 | 靈岩、邁邁,好會整活 |
| 上海野生動物園 | 上海 | 約 190 元 | 常規 9:00–17:00;7–8 月至 21:00 | 雪寶叉腰出圈 |
| 南京紅山森林動物園 | 南京 | 70 元,年卡 120 元 | 8:30–16:30 | 平平、九九、和和 |
| 杭州動物園 | 杭州 | 20 元,半價 10 元 | 4–10 月 7:00–17:30;11–3 月 7:00–17:00 | 香果、春生 |
| 廣州長隆野生動物世界 | 廣州 | 平日 300 元,特定日 350 元 | 9:30–18:00 | 萌萌、帥帥、酷酷三胞胎 |
| 重慶動物園 | 重慶 | 旺季 25 元,12 月 20 元 | 8:00–18:00,16:30 停止入園 | 渝可渝愛、莽仔莽小五 |
| 陝西秦嶺四寶科學公園 | 西安 | 旺季 30 元,淡季 20 元 | 旺季 9:00–17:30;淡季 9:30–16:30;逢週一閉園 | 圈養棕色大熊貓七仔 |
講到睇熊貓,四川始終係正場。全省有幾個唔同體系嘅園區,門票、交通同玩法都唔同,搞清楚先唔會白行一趟。
成都基地係全球規模數一數二嘅大熊貓人工繁育機構,由幼崽產房到成年熊貓別墅都齊,園區大到行半日先睇完。明星熊貓和花(花花)就係喺呢度出身,所以港人飛成都,呢一站幾乎走唔甩。

(圖/trip.com)
一開園就入係常識,熊貓食早餐嗰陣好醒神;過咗上午十點,多數已經返入室內嘆冷氣同瞓覺。
熊貓谷係成都基地喺都江堰嘅野放研究中心,主打半野放環境,山溝同竹林圍住,遊客比成都基地少一大截,想慢慢影相、唔想同人逼,呢度好啱。

(圖/trip.com)
呢度就係好多人講嘅「都江堰熊貓樂園」,現時正式叫都江堰中華大熊貓苑。要留意呢度現時暫停營業,重開日期要等園方公布,出發現場前記得先查一次。想喺都江堰睇熊貓,行熊貓谷呢條線穩陣啲。

(圖/trip.com)
臥龍自然保護區以保護野生熊貓聞名,對外開放嘅部分就係神樹坪基地。呢度海拔高,冬天會落雪,熊貓喺雪地翻滾、抱住雪球嗰啲出名畫面,多數就係喺呢度影。

(圖/trip.com)
華北幾個園區票價差距好大:北京平一截、大連貴一截,洛陽就靠網紅熊貓搶客。想慳錢又想睇得舒服,按行程順路揀就得。
北京動物園由光緒三十二年開到而家,過百年歷史,園內熊貓館係全國最早一批。北京熊貓迷好熟嘅萌蘭、萌大、萌二、萌寶、萌玉、福星(胖大海)、古古(古大爺)都住喺呢度,丫丫同點點現時唔展出。

(圖/trip.com)
大連森林動物園分圈養區同散養區,熊貓館喺南側散養區,場館大,飛雲、金虎、妙音三隻住得幾舒服。沿海城市夏天唔算焗,行山睇動物一次過。

(圖/trip.com)
濟南動物園票價平、園區唔算大,熊貓館有霧森同中央空調,華奧同雅吉一個好動一個沉靜。帶細路行山東,呢度係慳錢之選。

(圖/trip.com)
呢度靠兩隻網紅熊貓爆紅:講起靈岩熊貓,佢識跳舞、識推車賣貨,成日整活;邁邁本來斯文,後來都跟住一齊玩。山下竹海風景亦值得行。

(圖/trip.com)
華東三角交通好方便,三個園區都有地鐵或密集巴士接駁,適合行程短、想一日來回嘅旅客。
上海野生動物園分步行區、車入區同水域探秘,熊貓館有雪寶、七七、芊金、嘉嘉、康康。雪寶靠叉腰動作紅咗,飼養員餵食時會直立行埋去,畫面好搞笑。

(圖/trip.com)
南京紅山森林動物園依山而建,分小紅山、大紅山、放牛山三片,熊貓館喺入面。平平、九九、和和三隻熊貓超會整活,園方仲養咗白面僧面猴杜杜、金絲猴瑞瑞,一張票睇多種明星動物。

(圖/trip.com)
杭州動物園係山林式動物園,行完可以順路去虎跑夢泉、六和塔。園內大熊貓館住香果同春生,春生好動、光速炫飯,香果就走優雅路線。

(圖/trip.com)
如果你打算以成都做基地,順道安排市區行程同美食,以下幾篇可以接住睇:
南方同西部三個園區各有王牌:長隆玩得花、重慶熊貓數量多、西安就睇得到圈養棕色熊貓。
長隆有十幾隻大熊貓,包括全球首例存活嘅大熊貓三胞胎萌萌、帥帥、酷酷。長隆養熊貓出名豪氣——酷酷有專屬動車,夏天每隻熊貓有冰床玩,仲有竹子版茅台道具。

(圖/trip.com)
重慶動物園係全國大熊貓數量最多嘅動物園之一,渝可渝愛(反差萌龍鳳胎)、莽仔莽小五(活寶母子)、四喜丸子幾隻都好紅。園內動物 230 餘種、4,000 幾隻。

(圖/trip.com)
秦嶺四寶科學公園係秦嶺大熊貓研究中心嘅開放園區,有隻罕見嘅圈養棕色大熊貓「七仔」,仲有阿寶、錦小七。想睇唔同毛色嘅熊貓,呢度係少數可以如願嘅地方。

(圖/trip.com)
熊貓一年四季都見得到,但想睇佢哋活躍,秋冬穩陣啲。夏天成都又熱又焗,熊貓食完早餐就躲入冷氣房瞓,下晝基本上只係一堆黑白毛球。想影到熊貓食竹、爬樹,一開園入場係常識。
成都基地同熊貓谷全部要實名網上預約,經園方官方售票渠道買飛,入場帶回鄉證或護照核驗就得。長隆、上海野生動物園提前網上訂通常平過現場,旺季更要早訂。週末同節假日名額搶得快,唔好等到出發前一晚。
得一日又想睇熊貓,留喺成都就好:上午入成都基地,下晝坐城際列車去都江堰熊貓谷,兩個園預約時段分開,一日走完唔趕。有三日就加臥龍,雪景熊貓係另一種體驗。如果行程本身去北京、上海、廣州,唔使特別繞路——當地動物園都有熊貓館,票價仲平。
保持安靜、唔好用閃光燈、唔好投餵,呢三樣每個園都一樣。熊貓係猛獸,唔好爬護欄,圍觀時亦唔好大聲叫。園區普遍大,行足半日好正常,記得帶水同小食。
睇熊貓住成都熊貓基地一帶好方便,早上唔使塞車就入到園,行完返酒店休息都得。
喺熊貓基地商圈,落樓行幾分鐘就有食肆同便利店,去基地西門車程短,適合一家大細早機出發。

成都熊貓基地動物園憬黎酒店
連鎖品牌,房間穩定、價錢親民,離地鐵 3 號線站頭近,去市區同熊貓基地都順路。

全季酒店(成都熊貓基地龍潭寺店)
- 保持寧靜環境:大熊貓聽覺比人靈敏得多,容易受驚嚇;2. 唔好用閃光燈:熊貓幼仔眼睛對光好敏感,閃光可能傷到佢哋;3. 唔好投餵:每隻熊貓每日食譜都由飼養員安排;4. 唔好翻越防護欄:大熊貓係猛獸,被人群圍觀時精神緊張,會出於本能攻擊。
- 大熊貓唔係貓:屬食肉目熊科大熊貓亞科,係該屬僅有嘅哺乳動物;2. 近視眼:嗅覺同聽覺發達,但視力差,大約 800 度近視;3. 六指:為咗握住竹子,進化出「偽拇指」;4. 走路內八:慢吞吞嘅內八字步態可以積蓄能量;5. 快吃快拉:為咗吸收營養,每日便便可達 40 次;6. 短發情期:雌性每年發情一次,高峯期只有 2 至 3 日。

















