【新加坡 2023 最新玩法】來新加坡探尋意想不到旅行驚喜！

1. 大自然中的城市

1.1 新加坡全新景點——飛禽公園

飛禽公園位於萬態野生動物世界，入面有超過3,500隻唔同物種嘅雀鳥喺入面生活。佢唔同一般嘅觀鳥園，雀鳥係可以自由自在喺裡面活動，意味住你可以同雀鳥近距離接觸，觀察佢哋最自然嘅生活習性同埋行為。之後你仲可以去公園出面嘅 Birds of Paradise Gelato Boutique 品嚐以植物為靈感嘅甜品同埋小食！飛禽公園有得玩又有得食，係咪好吸引先！

1.2 聖淘沙

⾹格⾥拉集團旗下嘅 The Palawan @ Sentosa 位於聖淘沙，娛樂項目一應俱全，最近仲新開左呢幾樣：

- HyperDrive–區內⾸個室內卡丁⾞賽場

- HydroDash–新加坡⾸個⽔上浮動樂園

- UltraGolf–有18 個洞嘅迷你⾼爾夫球場

- +Twelve 及 Splash Tribe–海灘俱樂部

- The Palawan Food Trucks–美⻝⾞

1.3 市區中的森林療癒

如果大家想放鬆身心，不如參加由 XIU Nature Connections 舉辦嘅森林浴體驗，體驗包括⽣態之旅，或者睡眠冥想課程。另外，濱海灣⾦沙空中花園有同 Virgin Active 合作舉辦嘅瑜伽課程，參加者可以喺56樓一邊俯瞰濱海灣美景，一邊舒展筋骨。

2. 創意綻放、活力四射

2.1 烏節路

烏節路華麗變⾝後成為遊客必去嘅高尚⽣活體驗區。 除咗有全新嘅精品酒店之外，仲有世界知名糕點師傅 Cédric Grolet 主理嘅甜品店同由The Ride Side打造嘅亞洲⾸個衝浪、滑 雪、滑板綜合場館「Trifecta」。

2.2 城市漫遊

仲有時間嘅話，不妨參加埋「Hush: Geylang Food Tour (Indie Singapore Tours)」，喺宵夜店品嚐美食嘅同時，又可以了解嗰區嘅歷史文化，探索背後嘅秘密同故事。

3. 多元文化薈萃

3.1 運動盛宴

新加坡係多元文化嘅集中地，而美食就係體驗各種文化嘅絕佳方式。新加坡泛太平洋酒店 (Pan Pacific Singapore) 內嘅酒吧 PLUME 有用當地鳥類為創作靈感嘅特色飲品，非常 IG-able。如果你鍾意搵隱世美食，就一定唔可以錯過以新加坡組屋為主題嘅咖啡廳 Lou Shang，試吓融合各種美食元素嘅新穎菜式。