الاوتيل كويس و اكله كويس جدا و نظيف و هادي و جميل لو حتروح يومين تسترخي انما عندهم عيب كبير معزول و الاوتيل نفسه مش بيوفر عربيات خالص حتى لو عايز تروح داخل السخنه و حصل معايا موقف لما احتجت اخرج من الاوتيل قالوا لي احنا مش بنوفر عربيات بس حنكلم سواقين من برا الاوتيل اقسم بالله لما جيت العربيه كان مكروباص و جواه كوتشات و علب بويه و حاجات تانيه بتاعت بناء و الريحة بصراحة كانت اصعب من المنظر اساسا و المشوار كان مثلا خمس دقايق و العربيه بالمنظر ده اخذ 100 جنيه في الخمس دقايق بس من stay inn الى cancun تخيل بعد الاستجمام ده يومين حلوين اوي و مريحين جدا يطلب لك الاوتيل عربيه تقعد و جمبك كويتشات مش نظيفه كمان و علب بويه و حاجات صعبه بصراحة الاوتيل جميل وبيهتموا بالقست جدا و اي حاجه انت عايزها في البوفيه بيوفرها لك على طول او تاني يوم بالكتير اكلوا كلو جميل بينوع بالاصناف ممتع و مريح الموظفين لطيفين انصح بالاقامة بشرط يكون معاك عربيه لو حتروح جو باص و لا سوفيل ما تروحش خالص علشان حتتعب لما تجي تخرج من الاوتيل والله دي نصيحة خلي يكون معاك عربيه و الا ما تفركش تروح خالص
翻譯