devil_violet
2024年7月23日
家人推薦此酒店,而且地理位置優越、毗鄰Marinoa City Fukuoka,喜歡這酒店的環境;因此預訂。
我們自駕遊,無論從酒店到機場、系島、海之中道海濱公園、福岡塔和市中心也很便利。而且酒店所有員工也很親切友善。
抵達酒店時,因家人泊車和照顧小朋友,我一人推着3個行李箱到酒店2樓的Front desk 辦理check-in。當電梯到達大堂時,已有一酒店男職員站在電梯口等待,並幫忙我把行李放好。在揀選早餐時,他很耐心的詢問每位入住者的餐點選項,我和家人尤其喜歡酒店安排在房內用餐,不用住客跑來跑去,這個服務很貼心。
帶我們攞房的另一位男職員也十分親切和細心,雖然他主動為我們拎行李,由於小朋友想自己拉行李,所以我們婉拒了。入到房佢都一一介紹返房內設施,並且好貼心咁提醒我哋夜晚唔好打開露台嘅門,怕有蚊蟲飛入房咬到小朋友。
房間空間充足、望海景,一入房已經覺得好relaxing,超級有渡假嘅感覺!房間打掃整潔乾淨,住得放心。
另外,酒店晚上提供BBQ環節給小朋友,在供應期間有popcorn, cotton candy, shaved ice 可以食。BBQ係將棉花糖燒溶後加小小朱古力醬夾餅乾,住客仲可以買煙花放,個人覺得安排好好!因為小朋友好想去煙花大會,咁啱酒店又有呢樣嘢玩,算係達成佢小心願。酒店在lobby 都安排了Night Lounge,住客可於供應時段feel free 去飲嘢。
員工服務同房間整潔程度都比我們之前住嘅另一間5星酒店及3星温泉旅館要好得多。
家人話呢間酒店係我哋呢個trip 入面無論食物味道同住宿都係最好嘅。我哋日後再嚟福岡一定會住返呢間酒店!