今次是第二次入住Amigo酒店,體驗及感覺依然唔錯,下次還會選擇入住這裡☺️
1)位置:交通便利,由深圳北站打的到酒店大約8-10分鐘,再由酒店去大浪區、寶安區、福田區等等都大概15至30分鐘,ok方便👍
2)客房:今次住的十樓客房5日4夜,合併2張雙人床房,設施齊全,乾淨整潔,空間十足,兩邊窗光猛,可以打開窗有鮮風流通,景觀不錯,冷氣强勁,淋浴空間足夠,冷熱水力強,去水快。坐廁有塞,通知前台好迅速有職員上房處理好,服務效率良好👍床具白雪雪,兩款共四個枕頭,啱曬我哋2大2細☺️電視仲有好多免費卡通節目睇,又有「小度小度」播音樂故事,小朋友好鍾意😍,客房有雪櫃已經好唔錯👍貪心啲如果雪櫃再凍啲就更加好😆
另外十樓客房隔音效果雖然一般,但絕對理解明白☺️新年氣氛帶動,各人情緒都高漲,所以經常聽到其他客人房外面高興交談,小朋友互相追逐奔跑玩樂同關門啪啪聲,過年過節就係熱熱鬧鬧先開心✨今次仲有驚喜就係可以窗外近距離見到對面樓有人放煙花,係國內可能好普通,但我哋少見到咁靚煙花就好開心好有氣氛 🎆
3)服務:前台及房務人員,服務都很好,主動,有禮,熱情,解決處理需要效率高。特別讚揚招待我們的林先生,可以粵語溝通,出入都打招呼及問候關心,詢問酒客房有無問題及改變地方,我先生因手機問題未能買到飲品,他主動代支付,我們最後一天未能叫車,他幫忙叫車及協助搬運行李上車,照顧我們的小朋友,十分貼心🙏🏻在此感謝酒店各職員的幫忙及優質服務☺️
4)設備:設有餐廳,健身房,我們同層有洗亁衣設備,免費自助式,有洗衣液提供,走廊位置有免費水作補給,十分細心。酒店樓下有湖南菜館,米線麵食,便利商店,對面有天虹商場,衣食住行玩都有齊☺️24小時前台服務,如有帶未成年小朋友的家庭會要求同家長們合影以保安全,提供小童衛生用品,存放行李服務,可愛機械人送餐👍
總體而言:五星好評⭐️物超所值,性價比高,滿意體驗✨