我喺琴平搭火車落去高松喺瓦町站落車,連住商場瓦町FLAG , 出咗天橋直行大概10分鐘之內就已經到Dormy inn 中央公園前.
住咗兩晚離開酒店一個對面馬路就係機場巴士站,11:49前去機場啲班次都好密。大家唔使擔心。
講返酒店,我訂咗最Standard嘅雙床房, 酒店我冇刻意check幾時開幕,但係好新淨上到房雖然唔係好大間房,但係足夠一般使用,因為都係愛嚟瞓一晚再出去玩
酒店提供早餐性價比超級高,個人覺得都算多嘢食,溫泉大浴場喺頂樓有一個室外嘅空間可以舒舒服服玩完全日返酒店嘆溫泉
浸完溫泉仲有免費雪條,漫畫免費任睇,乳酸益力多就係早上某啲時間先供應, 同其他dormyinn 一樣, 晚上9:30至11:30有免費宵夜拉麵同埋飲品提供。
我係星期五晚入住星期日check out, 價格會比平日貴啲平日嚟住真心抵應該600至$700港幣就可以食埋早餐
酒店行去高松購物區和高松三越10至15分鐘,途中都有好多食物小店琳瑯滿目你想食乜嘢都有
如果再去高松,我都會選擇呢一間酒店。