酒店係幾舊,但係乾淨,同埋安靜,而且有浴缸所以我都有浸吓浴。服務員完全唔識英文,但都算幾有禮貌。地點方便,好近地鐵站,就算唔坐電鐵,行去高知JR站都只係10分鐘,而且行去商圈都係10分鐘嘅路程,住兩晚只係五百幾蚊,算係咁。
洗衫係麻煩,職員叫我上去7樓,但係唔見有7樓,原來要喺6樓度行樓梯上,嗰度有一部洗衣機同一部乾衣機,環境係有少少驚。不過我驚用錯,同埋又冇洗衣粉,所以又走返落去買洗衣粉60円,然後叫職員教我點用,我將袋衫倒晒入去,洗衣300円,要等成粒鐘。但係佢啲時間唔知係咪唔準,等咗一個鐘上去都未洗完,之後返番房,隔一陣再上去,然後就拎堆衫放落去乾衣機,佢話30分鐘200円,然後我等咗半個鐘上去發覺未乾完,再等多幾個字,上去睇仲run緊,我返房然後又等咗一陣,最後索性上去直接撳停,拎啲衫出嚟,其實佢都行咗差唔多成個鐘,但只係乾咗五六成,不過都冇辦法,已經上上落落咗好多次,真係好攰。
PS: 電視有鹹片睇,但只係限時1分鐘,然後就要付費。