地理位置相對偏僻,附近都係待開發區,有唔少爛尾樓,同埋荒廢工廠,無咩食肆,都難啲叫**。照導航開車去,去唔到個屋苑,因為大路有鐵絲網封住,要兜番出去第二條大街行,跟住個海洋密碼既路牌行。
屋苑入面有停車場,港牌車掃碼入,酒店提醒唔好落地下停車場,屋苑內路邊有位就停得,一日15蚊。
呢間同另一間海洋密碼係同一間,唔同樓層,reception就係個座地下,有免費早餐,係隔離幢,起唔到身所以無食就唔評價啦。
房內空間無相中咁寬敞,樓底唔太高,有啲壓迫感。衛生麻麻地,有灰塵,頭髮碎。大門門口對正開放式廁所同沖涼房,姐係著衫位置就係大門口個到… 呢個設計有啲無語,可能空間有限啦。投影機像素唔太高,就算關燈都唔太清晰。
職員服務都幾好,房間無電話,有事就微信群組搵佢地。check-in要俾300按金,退房就會原路返回。跟住就會話俾五星好評就會退18蚊紅包😅😅
以呢個價錢黎講,性價比都唔算太差既,不過應該有更好既選擇,可能下次黎珠海會試下住其他酒店/民宿。