曼谷近郊Bubble aim the Forest Cafe馬爾代夫渡假feel 打卡聖地 療愈cafe

呢間餐廳好多人推介，我都覺得一定要自己去親身體驗下先得。跟住我想講吓體驗。 餐廳嘅設計真係冇得輸，令你感覺到你真係去咗馬爾代夫。你會不停咁想影相打卡。如果你係坐係亭仔入邊，有bean bags同盪鞦韆可以坐，所以好啱同屋企人朋友聚會聚餐。啲嘢都算好食嘅，譬如我哋嗌咗泰式豬頸肉同埋軟殼蟹咖喱，海鮮拼盤就麻麻哋。我哋試咗三種唔同口味嘅smoothie 都好好飲。喺呢個地方坐一個下午會令到你好放鬆。 我覺得交通都算方便，因為從Siam搭車一個鐘，$100港紙可以到。我哋就同司機傾定回程到搭佢嘅車。 但係今日唔係星期六日都要排長龍，我哋最少都排咗20分鐘。而且兩個人好難攞到靚位, 啲打卡枱俾晒最少三人四人組合。 但係總體嚟講，我覺得呢個地方都幾適合旅行去嘅，所以周圍隔離都係旅客。 #foodie #泰國景點 #cafe #境外遊 #泰國旅遊攻略 #泰國好去處 #泰國旅行