自助餐天花板～澳門上葡京自助山自助午餐

講到澳門美食點可以唔提近期熱爆仲被譽為澳門自助餐天花板嘅上葡京自助山自助餐，今次試咗佢嘅周末自助午餐，雖然少左晚市嘅即煮海鮮同生蠔，但食物款式仍然超多，無論男女老幼都搵到自己中意食嘅野。😚😚 首先你會見到凍海鮮區，當日嘅款式有四款有凍蝦、小龍蝦、青口同蜆。質素方面海鮮算係係新鮮但比較細隻。 之後你會見到日食區有刺身包括三文魚螺同八爪魚同埋壽司。 再入會見到台灣夜市區、點心、燒味、粥、燉湯、各式熱盤、沙律、生果、冷盤、甜品同麵包，仲有唔同飲品，種類多得誇張。🫨🫨 而食到一半你會聽到搖鈴聲，大家即時會排隊，無錯因為有正野出爐啦，今次嘅神秘矜貴食材係芝士焗蠔同花膠雞翅，兩樣都好足料，雖然一開始大家聽到搖鈴聲都會好緊張，但其實佢絕對唔孤寒會keep住出出爐大家都會只少食到幾輪。 而講到個人推介嘅芝士焗蠔同梳乎厘pancake。焗蠔好香，而梳乎厘即叫即煮入面充滿空氣感，鬆軟度絕對唔會差過日式餐廳太多。 總括妮講，自助山嘅食物種類真係超多、環境闊落、食物幾新鮮足料，而且仲可以食足三個鐘，性價比好高，絕對值得一試。🥰🥰 澳門自助山 澳門上葡京酒店三樓 #澳門景點