去到韓國一定要試汗蒸幕🧖‍♀️釜山汗蒸幕推介Spa Land

之前經常睇韓劇或綜藝，就見到佢地係汗蒸幕食烚蛋和甜米露，用條毛巾包實個頭好得意咁，小編真係好想試下，咁啱睇到Spa Land有package就立刻買左❤️ 📌釜山新世界Spa Land 釜山地鐵2號線Centum City站後，地鐵有直接通道通去新世界商場，隔離係樂天商場 建議睇下商場指示牌睇位置～ 可以上網預先預約，然後直接係接待處show QR，非常方便👍🏻佢地就會比你一張紙，寫住你的locker位置，入到去需要除鞋放在locker裡面，同時可以拿到更衣室locker鎖匙，沒有拖鞋，更衣室locker和放鞋的locker都係一樣，佢地更會提供汗蒸服和毛巾，更衣室還提供沖涼用品，梳，髮尾油，潤膚乳液等等，所以可以唔洗帶額外用品入去，不過長頭髮嘅就一定要帶橡筋‼️‼️ 環境和更衣室都非常乾淨，除左食拉麵嘅地方之外🥲呢個Spa Land非常之大，有22個溫泉池，13個主題且不同溫度嘅熱療室，仲有戶外足療池、娛樂區和休息區，可以額外付費玩籃球機😍，瞓喺度睇電視📺，還有其他付費服務，例如按摩💆‍♀️、gel甲等等，不過小編覺得價格就偏貴。男女更衣室裏亦有溫泉區，除曬衣服之外洗澡，再入去浸溫泉，好舒服😌 另外還有餐廳，一個係地下，售賣烚蛋和甜米露等韓國汗蒸幕小食，而第三層有間自助拉麵餐廳，只需10000韓元，就可以任加配料和小菜，然後自選拉麵🍜，放係部機自己煮，最後再加芝士和蛋，就可以整好食嘅拉麵啦👀付錢方面有透過手帶首先紀錄，然後係門口交還手帶時付錢 小編平日下午黎，都好多人，所以熱療室內都好多人，所以小編留左一陣就離開左間房，不過小編對呢次汗蒸幕體驗非常滿意🫡 汗蒸幕可以逗留4小時，小編覺得時間非常足夠，而且價格唔算太貴，因此很推介🫰🏻 #日韓市區景點 #釜山 #釜山旅行 #釜山景點 #韓國汗蒸幕 #汗蒸 #汗蒸幕 #釜山spa #韓國釜山 #釜山自由行 #釜山遊 #釜山好去處