貼近海洋附有沙灘鄰近golf course的度假酒店

星加坡樟宜國際機場出發，坐出租車+過關入境馬拉，車程大概1.5-2小時，就到 ##anantara Desaru Coast Resort & Villas。我哋當日到星加坡已經係晚上八時左右，喺機場嘅Terminal 4 出閘後（得1間好顯眼）食咗一間好好味嘅肉骨茶餐廳，可以無限咁樣添加肉骨湯，建議大家喺離開機場之前可以去食一食先。因為我哋唔想嘥時間住機場嘅酒店，所以直接食完晚飯就坐車入境馬拉。由於晚上嘅人流呢比日頭更加少，所以我哋嘅歌景非常順利，只要坐喺出租車上準備好Passport，過境時嘅入境官員就會檢查。溫馨提示，大家喺農曆新年，或者大時大節呢種方法過關馬拉往返新加坡非常擠塞。 住deluxe sea view corner room (538sq ft)，個露台幾寬闊可以一望無際園林和海景，仲有一個雙人大着鞦韆梳化，餐枱，旁邊細長的走廊係私人通道。圖片可瀏覽官網。 酒店內有室內和室外的自助餐用餐區，有類似觀景台嘅🥃酒吧，🍺🍻🥂sea salt fire餐廳，有一個好大好寛的園林泳池和靠近海邊的Infinity Pool。 Infinity Pool外邊就係一個好長嘅沙灘，沙非常之幼細，喺大概下晝五點之後就係開始退潮嘅時間，講緊係春季時，你可以喺海邊和小朋友一起玩玩拾貝殼或者探索海洋小生物嘅時間，會發現沙堆裏面住咗唔少嘅寄居蟹或者蜆嘅貝殼小生物（記得捉咗之後要放生呀）。又或者好自由咁玩堆沙或任何嘅水上活動，水上用品都可以租用。 酒店有好多kids activity，有固定時間表可查詢， 另外酒店有morning yoga, beach walk, 觀鳥導賞，生態紅樹林遊（付費）可以報名参加。我哋參加咗一個1小時嘅Resort來觀鳥導賞團。到賞員會帶備觀鳥專用嘅望遠鏡給客人使用，在園內找尋特色嘅雀鳥介紹俾遊客。 Resort仲有兒童遊樂室可以玩PlayStation BroadGames打乒乓球，gym room等。酒店內有單車可以隨便給住客使用。 另外做Spa一定不可少，除咗酒店品牌特色按摩之外，你可以配上其他護理療程例如磨砂、或者Facial，療程之前你可以填寫你嘅需要，甚至乎揀選你喜歡的療程音樂，好好享受一個自癒的療程🥰🥰 ##the Els Club Desura係距離酒店resort 只有5分鐘接駁車程的高爾夫球🏌🏻場，有分Valley course和Ocean course，我哋選擇玩9個洞的Ocean course。可以喺酒店或到步之前提早預約。我哋新手玩9個洞都用咗3小時，場地嘅管理員會因應你嘅速度而有所安排。租用場地嘅費用不包括租用一套哥爾夫球桿，另外你需要自費或自備高爾夫球。對於未曾試過打哥爾夫球的新手來說是一個幾好的體驗。另外如果有駕駛執照嘅人會更加方便，因為可以免費使用一架哥爾夫球車往返場地。高爾夫球場內嘅風景真係好靚，我哋見到湖上邊有天鵝，旁邊的樹林有顏色鮮艷且罕見的雀鳥，環境非常優美寧靜。但是怕曬、怕熱或者怕蚊蟲的話一定要做好預防措施。可以喺上Golf Cart之前喺餐廳購買凍水上陣。 #親子好去處 #golf #beach #seachell #hotel&resort #anantara #desaru #馬拉resort #馬來西亞 #hotelresort