收藏系列［郵輪小貼士］上郵輪想日日都有唔同嘅毛巾公仔？

#旅行貼士 上郵輪玩，通常housekeeper都會準備啲毛巾公仔氹你開心，但係如果你想日日收到唔同嘅驚喜，就真係要跟住我以下畀你嘅貼士。 首先一定要同housekeeper打好關係，最直接嘅做法就係第一日見到佢就畀大約每日兩蚊美金嘅tips佢，雖然郵輪都會收船上服務生小費但係你想呢幾日過得再開心啲嘅話呢啲錢真係唔慳得。 然之後你都要同佢表明好鍾意毛巾公仔，當佢每次整完一款毛巾公仔畀你嘅時候你記住可以的話搵佢讚美一下，面對面讚佢對於佢嚟講亦都係好大鼓勵。 其實船上嘅活動多數都有一個毛巾公仔摺疊教學，喜歡嘅話可以自行參與。 以上就係我個人經常去郵輪trip嘅小心得，不過通常都係歐洲嘅航線或者中東嘅航線會比較多款式，而我所參與嘅航線就係杜拜上船嘅阿聯酋阿曼航程。係皇家加勒比郵輪旗下嘅海洋珠寶號。 #全球旅行 #杜拜 #皇家加勒比遊輪 #海洋珠寶號 #郵輪 #郵輪假期