布吉島超靚日落cafe

#布吉景點 Cafe Phuket Viewpoint 位於 255 Phrabaramee Rd, Pa Tong, Kathu District, Phuket 83150泰國 地點從巴東過去大概15分鐘路程， 但注意要泊車在路邊，落車時候會有點危險， 小心附近的車輛… 一入店舖會叫你先點一杯嘢飲，一人一杯， 價錢160左右泰銖一杯，然後會俾個牌你， 飲品準備好的時候個牌會響，就自己去攞嘢飲 我哋兩個人，點咗一杯夏威夷梳打，同埋一杯綠茶，夏威夷梳打顏色幾好，好適合打卡影相，另外一杯綠茶就正正常常 我哋當日五點左右去到，可能因為當日天氣都比較好，個日落都幾靚，所以Cafe都幾多人，要自行搵位，我哋就搵咗一個可以望住日落嘅位置，建議五點左右去會比較好，因為唔會咁熱，加上人未數好多，我見到5:30之後就勁多人過嚟，因為3月份布吉島日落係6:30左右 基本上呢個Cafe都幾多打卡位，但人真係都幾多，不過都可以接受！我覺得最值得一讚係佢有個千秋俾你玩，而且係免費，玩完自行放$落個貼士box便可以,我見多數人都係放$20泰銖，如果想影靚相， Cafe仲提供專業攝影服務，不過我就唔知幾錢啦！ 總括嚟講，係一個睇日落嘅好地方，雖然比較商業化，但係整體嚟講都幾chill幾舒服