飛驒高山老街必食推介:元祖飛驒牛串燒

位於岐阜縣北部飛驒地區嘅高山市 其中嘅熱門景點就係「飛驒高山三町老街」 呢度保留住江戶時代至今嘅傳統木造町屋 更被日本政府指定為「重要傳統建築群保護區」 三町老街睇起黎兩側一戶戶黑蚊蚊嘅町家建築 町家內販售著紀念品、當地美食，還有茶屋、 工藝品店同造酒商，由於飛驒高山地區水質優良 這一帶嘅釀酒文化已經有超過200年歷史嫁喇 咁遠黎到當然要一試呢度嘅地道美食啦 飛驒山喎！點可以唔食飛驒牛呀？！ 本身想食間有百年歷史嘅御食事處「坂口屋」 佢嘅飛驒牛手握壽司係勁出名，所以都勁多人排隊 由於時間有限，條人龍目測最快都要45分鐘 唯有忍痛放棄，轉戰另一飛驒高山名物：元祖飛驒牛串燒 元祖飛驒牛串燒｜じゅげむ-牛肉串 地址：岐阜縣高山市上三之町 72 唔同部位有唔同價錢，一場黎到就緊係豪食最貴嗰款啦，1500yen，唔平但絕得值得 燒得好靚，面層有少少焦香得黎保持到肉嫩，而且咬開仲有肉汁，輕輕加少少鹽調味已經非常好食！ 其實除左飛驒牛壽司同串燒之外，仲有牛肉包，牛肉可樂餅，當然其他種類嘅地道小吃都有啦，但一個人真係食唔到咁多，行下逛下影下靚相就要上車走喇 #日本景點 #岐阜県 #飛驒山