春2021｜英國賞花指南

趁仲係4月春天就來推薦英國🇬🇧賞櫻花打卡熱門地點！🌸（在英港人來揮個手） 一直以為只有日本、韓國呢啲亞洲地方先有得同櫻花打卡📸冇諗過原來歐洲嘅都開得非常之靚 而春天（三月中至四月尾）係英國開花季節，到處都開滿唔同種類嘅花草，加埋藍天白雲，打卡一流！😍 1. 地址－📍Greenwich Park, London 最佳賞花時間：四月尾至五月中 特色－ Greenwich Park係賞花出晒名嘅地方，可惜當日（四月中）去嘅時候只有部份櫻花樹開左花，所以冇想像中咁茂盛🌺 建議企喺櫻花路中心打卡，影落去超吸睛🤩 就算唔係特登去賞花，Greenwich Park都係一個環境非常怡人嘅野餐好地方，而且仲有幾隻圈養嘅鹿仔，經過都可以探訪下佢哋🦌 黃昏嘅時候可以選擇搭過River Thames嘅纜車🚡冇記錯用Oyster card價錢會平啲～路程雖短（大概8分鐘）但係睇日落非常美🥺零filter影相都完全冇問題🌅 評分（五星滿分）－ 打卡：🌟🌟🌟🌟 環境：🌟🌟🌟🌟 方便：🌟🌟🌟 推薦：🌟🌟🌟🌟 2. 地址－📍Jephson Gardens, Leamington Spa, West midlands 最佳賞花時間：三月尾至四月中 特色－ 呢個地方可能比較少人推薦，但由於位於本人大學附近，所以好方便可以成日去😆 其實三月開始成個Leamington Spa都開滿櫻花🌸但散播喺唔同角落～Jephson Gardens嘅櫻花開得比較集中，而且影相最靚！ 特別嘅係呢到係有白櫻可以睇🤍朵朵櫻花好似白色嘅波波咁，超可愛超有少女心 而且地方夠大，櫻花又生得唔算好高，想打卡打幾耐都冇人理🤪 評分（五星滿分）－ 打卡：🌟🌟🌟🌟 環境：🌟🌟🌟🌟🌟 方便：🌟🌟🌟🌟 推薦：🌟🌟🌟🌟 其實英國仲有唔少地方可以賞櫻花（雖然大部份都在倫敦），例如：St.James Park, Regent’s Park, Kensington Garden等等，趁仲係花期快啲去打卡啦！🤩 #一學就識拍攝技術#踏青賞花正合時#春天去邊玩#景點拍攝指南#境外遊#親子好去處#親子好去處懶人包#野餐地點#賞花攻略