【箱根強羅酒店推介】箱根今宵別墅♨️（附私人風呂）♨️

復活節長假期15日旅行，故事嚟到箱根～～～ 老闆大人話想住啲有私人風呂嘅旅館，所以特登搵咗間間房有私人風呂嘅酒店畀佢住！ ➡️ 箱根今宵別墅 呢間酒店喺箱根嘅強羅站附近，行2分鐘就去到公園下或者公園上站，去桃源台/ 芦ノ湖/ 早雲山同大涌谷都好方便！ 住咗兩晚，二泊四食，嘢食唔算超級好味，但都係好好食嘅懷石料理。亦有識得講中文嘅侍應專門服侍我地。 （早上時份，啲人仲自己特登早起出去浸完先落去食早餐，滿足哂佢要求） 咁啱其中一日係老闆生日🎂🎂，因為鄉下地方方圓十里都唔會有蛋糕舖，所以就同酒店預訂咗個蛋糕。🤣🤣 💵價錢方面：$2300左右一晚$25聽日飲酒，我覺得如果計係有私人風呂嘅酒店房放鬆下， $2300晚都算叫做好合理啦 📍位置：近纜車站，去大涌谷嗰邊好方便，但如果要幫東箱根湯本站嗰邊就要坐登山火車，要預翻30-40分鐘。 📱設備：有啲啲舊，始終鄉下地區。一般溫泉旅館配套，大浴場，浸完食雪條etc. 如果想要私人風呂♨️♨️嘅朋友又覺得其他高級溫泉$3000-4000蚊好貴的話，呢間的確係唔錯嘅中上嘅選擇✅！ （📢📢P.S. 保安理由，酒店會喺晚上00:00 鎖上大門，記住早啲翻酒店唔係冇門口入呀！📢📢） #日韓春天好去處 #櫻花2024 #復活節長假 #櫻花2024