性價比極高韓式炸雞店

 最近我屋企附近開咗間新嘅韓式炸雞店，好多朋友食過都覺得性價比好高，所以都忍唔住買返屋企試吓！ 呢間韓式炸雞店原來除咗外賣之外，亦都有少量位置可以堂食，舖頭嘅裝修偏向復古嘅韓式風格，取餐嘅位置裝修得好靚，絕對係Igable! 食品嘅選擇都好多，而且價錢方面比起出邊嘅韓式餐飲店平。我今次就叫咗個二人特工炸雞盒套餐，裏面除咗有炸雞，仲加兩款小食同埋兩款飯，加埋嘢飲都係$200有找，絕對係性價比之選。 店舖好貼心，同韓國一樣可以選擇有骨或者無骨嘅炸雞，我呢啲懶人當然就係選擇無骨，炸雞裏面除咗原味係固定選擇，另外可以揀多一款口味，我今次揀咗蔥蒜醬油口味，入口同我喺韓國食既都有85%相似，佢嘅肉質好Juicy，配合返香甜嘅蔥蒜醬油，絕對令你忍唔住一口接一口，就算攤咗一陣凍咗都一樣好好食。 佢嘅小食，我覺得份量都好多，特別係魚糕串，一打開包裝，竟然有四條摺好既魚糕，食完佢之後已經有半飽嘅狀態。大家唔好以為店舖提供嘅飯，只係普通嘅白飯，估唔到佢嘅飯竟然係可以揀韓式牛肉飯同埋泡菜豬肉飯！不過因為超級飽，所以我其中一款飯就選擇咗辣炒年糕。但炒年糕入口好QQ，而且店舖亦都因為香港人嘅口味有調整到辣度，入口變得比較溫和，絕對唔係辣到噴火嘅感覺。 總括嚟講，我覺得呢個套餐嘅性價比真係好高，今次去我仲見到佢參考，上面有我喺韓國好鍾意食嘅豬手，下次一定要去試吓再話俾大家聽好唔好食先！ 🇭🇰Chimac 香港鴨脷洲東邨道5號利東商場一期地下，13號舖🇭🇰 #danacaneat #foodiehongkong#hongkongfoodlover#hongkongfoodie#hongkongfood#foodsharing #foodie #eat #香港#chimac #韓國 #炸雞 #專賣店 #korean #chicken #外賣 #koreanfood #韓國美食 #香港美食 #韓國菜 #韓國餐廳