【 超高評價親子遊樂場。大阪枚方公園 】

#日本景點 【 超高評價親子遊樂場。大阪枚方公園 】 🎠枚方公園Hirakata Park係我哋今次旅程No.1最愛既景點！估唔到可以玩足⼀整日！重點係咩都唔使排隊呀！我哋買咗任玩套票，鍾意既遊戲玩完一次又一次，全部都係兩兄弟玩到又鍾意玩既遊戲，仲有好多小動物睇，真係令人好滿意！ 🏰園區有超過40種遊樂設施，好多都係For小朋友而設計，刺激程度中等，入園時可以向工作人員拎中文版地圖，會有齊各項遊戲設施既地點和高度限制。 🎡有全日任玩套票，小朋友就可以盡情玩，彩色摩天輪、旋轉杯、海盜船、小飛象、章魚飛車、Popy的直升機和旋轉木馬等，勁多好玩又新奇既遊戲，兩兄弟玩得好開心。（如果不想買任玩套票，樂園內也可以每個遊戲單買遊戲卷，逐個遊戲收費。） 🌹每年4月下旬到6月上旬可以到玫瑰園欣賞滿開既玫瑰花，影相打卡超靚！ 🍔枚方公園非常大，園區內既美食都好多，除咗大眾化既麥當勞，仲有好出名既蛋包飯、意大利粉、拉麵、可麗餅、雪糕和咖啡等多種選擇，行到邊食到邊，唔使擔心會肚餓。 🧸最後當然要去紀念品店行下啦，不過商品唔算太吸引，兩兄弟都只係買左零食，爸媽唔使擔心荷包🙈 🚒香港無呢類型既遊樂場，安妮媽媽好推介大家帶小朋友黎玩呀！可以玩足一整日，大人小朋友都會好開心！爸爸仲話呢個樂園唔使點排隊，又樣樣都啱玩，正過環球影城好多，值回票價！ 🚅枚方公園 交通指南 我哋由心齋橋出發，搭地鐵御堂筋線在「淀屋橋站」轉京阪電車，再由京阪本線至「枚方公園站」步行5分鐘就到。 #日本旅遊 #大阪親子遊 #親子好去處 #京阪神之旅 #室外大型遊樂場 #兒童遊樂場 #性價比高 #好多遊玩設施 #好啱小朋友 #過山車 #動物園 #親子blogger #親子日常 #全職媽媽 #親子KOL #育兒日記 #二胎媽媽 #hkfoodie #枚方公園 #主題樂園