【 玩盡6日5夜，坐郵輪暢遊越南芽莊及峴港 】

#報名酒店試睡員 #萬聖節2023 【 玩盡6日5夜，坐郵輪暢遊越南芽莊及峴港 】 🚢想帶小朋友同爸爸媽媽一齊去旅行，又怕有老有嫩會好難安排行程？咁上郵輪玩就啱哂喇！我哋今次選擇了「名勝世界壹號」，玩足6日5夜，仲可以有兩日落船去越南芽莊和峴港觀光，令我哋體驗到不一樣嘅郵輪假期！ 🍹13層豪華郵輪「名勝世界壹號」，有7個房間種類選擇，包括內側客房、海景客房、露台客房、皇宮套房、皇宮豪華套房、皇宮行政套房和皇宮庭院別墅。我哋今次入住露台客房，房間乾淨舒適，有一張大的雙人床，一張雙人沙發床，露台有2張櫈和小枱子，可以一邊望海一邊飲番杯。洗手間乾濕分離，基本用品都有齊。 🥗一上船就已經包哂一日3餐，船上有8間餐廳，其中有3間餐廳可以免費任飲任食，可以選擇食自助餐，也可以揀中西餐或戶外燒烤餐廳，其他自費餐廳，價錢都唔貴呀，我哋都有享用到。（下篇會介紹各間餐廳） 🎻船上活動設施好豐富，除咗可以隨時隨地欣賞到無敵大海景之外，仲可以係「羅馬泳池」的戶外泳池游水，享受熱水浴和現場樂隊表演，記得要玩超長嘅凱撒滑水梯，好刺激架！7樓大堂既活動每個時段都唔同，好多元化，每晚也可以到「星座劇院」欣賞精彩的現場表演。 📱船上的節目表，只要scan 「名勝世界郵報」嘅QR code 就詳細睇到，可以知道餐廳幾點開？船上有咩活動等，好方便。 🎮「VR探索館」有好多唔同款式嘅遊戲機玩，價錢都好合理，一局VR遊戲只需要港幣$30，仲有夾公仔機，可以讓你一展身手。 🧩船上嘅「小小夢想家天地」有好多玩具和遊戲機俾小朋友玩，也有工作坊和扮装派對參加，也提供每日2小時免費托管服務，會有哥哥姐姐陪小朋友玩，咁爸爸媽媽就可以去做spa或碰碰運氣喇！ 🌐上到船唔需要擔心無得上網打卡，因為船上有多個「無線網絡套餐」選擇，網速平穩，咁就隨時隨地都可以上載靚相俾朋友睇啦！ 📸呢個郵輪假期最吸引的地方就係有2日可以落船去越南芽莊和峴港玩，我哋兩個家庭包車自己去玩，行程自己定，好方便。（下篇會分享兩天落船的遊玩體驗） 🍕第5,6日留係船上繼續玩、游水、睇表演同不停食食食，真係好嘆好舒服，平時去旅行都需要趕行程，但今次真係可以令身心放鬆，郵輪體驗大人小朋友都玩得好盡興好滿足，我哋已經計劃緊下一個郵輪旅程喇！ #報名郵輪試坐員 #郵輪假期 #郵輪親子遊 #名勝世界壹號 #輕鬆去旅行 #親子活動 #境外遊 #郵輪假期