2 日1 夜豪玩食攻略 · 過來人分享珠海海洋王國點玩攻略

離開禦温泉，2 日1 夜珠海海洋王國豪玩之旅正式開始！ 下午三點幾先到達，即去「團體大堂」check in 會比酒店大堂更快，因為呢條隊專為粵港台遊客優先。 💡行程攻略 🔴Day 1 ⏰約1530 Check in 後仲未有房，唯有拎齊門票、寄存行李，出發去海洋王國！ 今次主打係👀企鵝🐧🐧🐧🐧🐧（雖然香港OP都有😅）。一入園行無耐，又係海洋奇觀🤣，附近係鯨鯊館⋯⋯ 相比香港OP, 其實兩者好相似，唯獨呢度獨有白鯨劇場（不甚特別，不看也無損失）、海牛、北極熊，仲可以伸手摸魔鬼魚同海星😍小朋友最開心🥳 🌟🌟Tips- 想玩更耐更盡興的話，不妨一早到達，先寄存行李再去玩 ⏰約1900 由於太肚餓關係，等唔到20:00 煙花表演就直奔酒店自助餐排隊，嘩，勁多人，雖然一直有進展，但都排足40 分鐘先入到（預先網上買餐券），當然入到去可以觀賞企鵝嘅餐枱已滿，唯有坐近拎嘢食嘅座位 🌟🌟Tips- 自助晚餐1730 開始，想睇煙花可以1715 排隊食到1940，再行過去👀都未遲 餐廳有一排座位係可以近觀企鵝，只隔一道玻璃，企鵝行路、跳水、游泳、睡覺都可一一觀察得到，深受歡迎 ⏰約2115 終於食飽去拎房，過程流暢，工作人員態度友善。預訂企鵝房，同相片一樣，可惜房間只有制暖系統，制冷系統欠奉，成晚有啲侷促，同職員反映，叫我哋開窗而已😣 🌟🌟 Tips- 自助晚餐1730-2130，不過有啲攤擋2045 就開始收爐😓。食物選擇款式多，不過無乜特別、難忘、再三回味。所以建議可以園區內食快餐，有數間選擇，價格更優惠又唔使排大隊，而且更易就到放煙花時間 🔴Day 2 ⏰約915 起身執行李，check out 兼寄存行李，搭9:50 酒店free shuttle bus 去宇宙飛船！ 🌟🌟Tips- 如果要食早餐先，可以預先自備或到酒店餐廳 ⏰👉🏻1000-1100 宇宙飛船有2 層，第一層好似去返海洋王國咁，睇海牛、不同魚類、獅子等等動物。第二層繼續係展覧，仲有機動遊戲。沿着行係一個「O」型，所以直行就順利行完。不過我哋時間同唔玩機動關係，行完首層就返去 🌟🌟Tips- 喜歡玩機動遊戲嘅朋友別錯過，個個玩完都係話好玩 ⏰1115-1230 話明豪食，自助午餐唔少得！預早15 分鐘排隊，好快入座，今次可以坐觀賞企鵝座位，小朋友非常開心！Lunch 明顯比dinner少人，唔使迫。食物選項同晚餐差唔多😅，只係少咗原隻蒸生蠔同酸菜魚 🌟🌟Tips- Lunch相較少人，想坐近觀看企鵝座位，建議揀lunch buffet時段，更易達成心願 ⏰1250 Book咗1250 環島中港通巴士直回香港，所以行程時間唔算充裕，剛剛好👀過想睇嘅表演同展館，小朋友開心滿足就好 🌟🌟Tips- 預先網購回程巴士，經珠海口岸、香港口岸，再送你到太子、尖沙咀，令旅程更放心安心。通常近傍晚時段開車的人數較多，唔想迫，可以選擇早一點，但變相減少玩樂時間 旅程豐富，祝大家玩個痛快‼️😁 珠海海洋王國、宇宙飛船 📍 珠海市橫琴灣新區富祥灣 ##珠海景點 #週末遊 #境外遊 #長隆海洋王國 #宇宙飛船 #珠海好去處 #珠海景點