尖沙咀主打正宗江戶前風格廚師發辦

- 鮨 央泰 Sushi Hisayoshi Hong Kong 位於海港城既鮨央泰 每次經過都好想試 佢係由東京米芝蓮一星餐廳「銀座いわ」 著名壽司大師岩央泰同佢既入室弟子主理 主打真正的江戶前風格廚師發辦 嚴選新鮮時令食材 堅持每日新鮮空運到港 精緻餐飲空間係由 Junzo Irikado設計 以木系為主調 ✨皇 Sumeragi Omakase ($1780/pp) 先付 三點 ✨水雲醋物 選用黎自沖繩既水果蕃茄 水雲中混有薑絲 食落酸甜得黎帶有微辣 都幾開胃 ✨菜之花 用上春季當造既蔬菜 油菜花撈白飯魚 食落清甜鮮美 ✨火炙梳子魚 火炙後逼出魚油 配上檸檬汁同吞拿魚絲 中和番油膩感 刺身 兩點 🐟深海池魚 師傅預先塗上醬油 味道好清 食到刺身最原始既鮮味 配搭手磨芥末 非常香但唔辣 🐟醬油漬鰆魚 鰆魚油脂豐富 鹹甜風味帶出肉質鮮美 食落較為黏口 配蔥蓉同紫蘇花 都幾香口 燒物 🐟煙燻鰤魚 當晚其中一個大愛既就係呢道❤️ 正值鰤魚當造既季節 魚肉非常肥美 用左稻草去做煙燻 令魚香四溢 配搭黎自京都既蘋果 芽蔥 薑花同芝麻 微酸微甜既做法 岩晒配搭油脂豐富既鰤魚食用 手握壽司 八貫 🐟 九州墨魚 肉質厚實 口感黏密 食到墨魚獨有既鮮甜味 配搭海藻鹽同青檸汁提鮮 🐟 炙燒北寄貝 簡簡單單既炙燒北寄貝配海鹽 就已經好鮮甜❤️ 🐟 鹿兒島車海老 當日先空運到港既車海老 大大隻 勁新鮮 勁爽甜 🐙軟煮八爪魚 - 當晚既重點!! 初初想黎食都係因為呢個好打卡既八爪魚腳 職人即席撈起一整條半米長既八爪魚腳影相 之後再將八爪魚腳切成薄片 連柚子皮上菜 最估唔到 肉質有嚼口得黎非常軟腍 職人表示係因為先軟煮後冷凍 再配上蘿蔔再煮 一冷一 熱既做法可以令肉身變得非常美味柔軟 配搭柚子胡椒勁好味! 背後所花既工夫極多 完全係心機之作! 手握壽司 八貫 (續) 🐟 醬油漬赤身 個人認為醬油漬係可以將吞拿魚鮮味發揮得最好der~ 🐟 熟成大拖羅 熟成大拖羅係佢地其中一個招牌 熟成2星期後 食落鹹香鮮美 仲會係口腔內縈繞不散 🐟 炙燒赤鯥 將醃漬醬油輕掃於表面 火炙燒香 釋出油脂 鮮甜細嫩 魚脂豐盈肥美 油香四溢 🐟 北海道馬糞海膽 色澤為淺橙黃色 海膽膏瓣塊較細 入口味道濃郁 甘甜度高 極其鮮美!! 🐟海鰻 係用番海鰻既骨去慢火熬煮海鰻 再配山椒粉一齊食 爽彈好味! 燒物 🐟酒盜燒太刀魚 「酒盜」係指食物濃郁到好似盜走食客既酒咁停唔到口 太刀魚就係以「酒盜」既方式 取自鰹魚内臓去製成鹽漬 再經炭火燒烤後肉質光滑細嫩 非常鹹香 好岩配清酒食 ✨椀物 - 麵豉湯 甜品 🐣玉子燒蛋糕 係冇用麵粉既情況下 只加入白身魚同高湯整成 食落好似蛋糕一樣既鬆軟 ✨紅豆麻糬糍餅 + 鹽漬櫻花葉配當造淡雪士多啤梨 係估唔到咁好味 清新口腔 為當晚劃上完美句號 - 📍鮨 央泰 尖沙咀廣東道3-27號海港城港威大廈地下G111號舖 - #lamchelin #復活節長假 #週末遊 #美食指南 #foodphotography #尖沙咀 #廚師發辦 #海港城 #lamchelin_omakase #lamchelin_japanese #lamchelin_tst