必試坑扒爐牛扒，真材實料無花假

餐廳：Mustard Bar & Grill (天后) 地址：天后電氣道68號金輪天地3樓 呢間開咗兩年幾、啱啱1月以全新Bar and Grill概念重新開業嘅Mustard Bar & Grill @mustardbarandgrill 座落喺天后嘅金輪天地3樓🍴，另一間大坑分店Mustard Cafe and Bar亦有唔少人認識同鍾意去打躉食嘢☕️ 佢哋主打Grilled steak🥩，除咗A La Carte Menu之外，中午亦有Lunch Set啱晒鍾意食得經濟啲嘅人去選擇，7款選擇價錢由$138-288不等，同時包餐湯或者Caesar salad🥗，飲品同甜品就要另外加錢，鍾意飲酒嘅人仲可以加$148叫Free flow紅白酒同埋汽酒🥂 每日新鮮打製嘅磨菇忌廉湯，將菇類切碎再打磨成蓉🍄，加入其他材料整成夠晒smooth嘅湯，菇味好濃好香，打得幾勻一啲渣同碎都食唔到，蘸埋餐包一齊食就最正😋；Caesar salad加入咗蛋白、芝士粉、煙肉碎🥓、蛋黃、烘麵包粒等，都幾大兜👍 ✝️Grilled Black Angus Ribeye $198 用坑扒爐去烤🔥，睇吓啲坑紋幾靚😍，香烤味道好突出，叫咗5成熟，肉質鮮嫩多汁，帶有少少筋部食落更加香口🤏，另外加咗燒汁喺肉眼扒上面，店員仲拎咗佢哋嘅招牌英式芥辣、法式芥辣同芥末籽醬比你去揀，蘸埋塊扒一齊食味道就更有層次😌；另外仲配咗香脆嘅自家製薯角，絕唔馬虎，唔會好鹹，咁粗嘅薯角口感一流🤩 ✝️Pan Fried Sea Bass $168 用平底鑊香煎鱸魚🐟，外皮呈銀色再煎至金黃，魚骨較少，鮮白色嘅魚肉食落質地堅實，帶有陣陣貝類海產嘅鮮味，再用茴香同蒔蘿等香料整成嘅醬汁🌱，配上薯蓉同味道好似salsa、酸甜開胃嘅燉蔬菜，又真喺幾有驚喜🎉 另外加$20要咗杯凍齋啡同加$20要咗個Passion Fruit Cake🍰，熱情果香味有啲似芒果香🥭，甜甜哋再加上酸酸哋嘅Raspberry醬汁，襯埋士多啤梨同藍莓🫐，又幾靚喎😎 #foodie #星級作家衝衝衝 #星級作家4月快閃 #自助餐推介 #下午茶推介 #香港camping #本地遊 #境外遊