五星級服務～澳門四季酒店

好幸運搶到trip.com既限量$999 房間 當日大約下午2:30pm 到達酒店，酒店位置係威尼斯人同巴黎人之間，經威尼斯人沿着路牌好快就搵到lobby。 酒店大堂俾人一種好古典風格嘅味道，幾有特色。 酒店職員既服務態度亦都非常好，而且仲免費幫我upgrade上高樓層，話可以望到巴黎人。 今次拎到嘅房間喺1702，上到去見到走廊都算幾光猛。一入到房，行前幾步右邊就係浴室，乾濕分離，分開浴缸，廁所，淋浴區。 有一樣野熟口熟面即刻吸引到我眼球，就係洗手液既牌子係Atelier cologne!!! 隻味仲要係我鐘意嘅top 3 之一既柚子天堂，聞到就好治癒😌 當然shower gel 同 shampoo 都係同款啦👍🏻👍🏻👍🏻 浴缸上面個架，亦備有同款浴鹽同番梘😍😍 房間設備 設備十分齊全，咖啡機各種茶包齊晒，保持一貫嘅五星級水準， 另外仲擺咗一款八寶茶，都幾特別。 拖鞋亦都幾舒服，被鋪整齊，房間大致上整潔，沒有灰塵。但係比較可惜嘅係smart TV 冇得airplay，只可以用HDMI線接駁iPad。 桌上見到附送既welcome fruit 同Macaron，Macaron整體上都偏甜，可能我食唔慣😂 另外仲送咗支紅酒，不過我對紅酒麻麻地所以冇飲。 打開窗簾，有少少失望，因為職員講過會對住巴黎人，令我有期望係可以望到個鐵塔🥲 個窗景係望到隔離威尼斯人同斜對面嘅倫敦人，要望到巴黎人，應該係我對面房先岩，不過唔緊要啦，反正都冇乜點會望景。 泳池 睇完間房就落一落泳池游個圈，lobby職員話呢度有五個室外池，其中兩個係小童淺水池。去到首先要登記拎毛巾先，再揀返個靚位，職員就會拎碗水果同檸檬水過嚟，都幾細心。 當時大約下午3:45分左右，可能太曬既關係人客只有8個左右。 游完一圈上水後，有職員主動上前詢問要唔要雪糕，幾貼心👍🏻 由於夜晚book 左JW buffet 行程有d趕所以行唔哂剩低兩個池。 到食完晚飯返黎，不出所料既turn-down service。窗簾拉埋哂，燈光調暗，拖鞋亦都擺整齊放係床隔離，另外放咗一支薰衣草Bubble bath係枱同埋洗衣袋加早餐menu，十分周到！ 四季酒店嘅服務態度相當好而且非常有禮貌，因為我訓唔慣軟枕頭，所以拎咗個記憶枕俾我。另外服務質素相當好，尤其turn-down service，一個可能冇乜人會在意嘅服務都做得咁細心👍🏻 再加上有我鐘意既Pomelo Paradis，加左好多分👍🏻👍🏻👍🏻 但總括嚟講，四季酒店作為一間知名五星級酒店我覺得未到滿分，因為酒店係08年開業，所以有好多野都未跟上潮流，例如電子馬桶，電子窗簾或者用部平板就可以control 哂房內設施等等。呢d都係近年酒店都具備既基本設備，尤其係Smart TV既Airplay功能，我相信如果翻新過既話應該會有更加好嘅體驗。 地址－ 澳門望德聖母灣大馬路 （威尼斯人隔離） 人均價格－$999 評分－4.6/5 #澳門 #澳門酒店 #澳門遊 #澳門旅行 #澳門自由行 #澳門旅遊攻略 #澳門好去處 #澳門打卡 #報名酒店試睡員