台灣礁溪庄櫻桃谷櫻桃鴨🦆

去宜蘭好似必食甕仔雞或者櫻桃鴨，今次我地揀左上櫻桃鴨，因為搭車經過就比佢搶眼既招牌吸引到。 如果想食櫻桃鴨就一定要叫餐，冇得散叫。我地最後揀左3-4人餐，一鴨4味，揀左「櫻桃片皮鴨」、「櫻桃愛大米」、「櫻桃醬烤鴨」同埋「蔬鴨湯」，仲附送果醋。 廚師們會即場將大大隻烤鴨片皮，「櫻桃愛大米」係fusion菜，壽司醋飯上有一片芝士，同鴨肉連皮，好特別，好唔好食就見人見智，有啲人可能會覺得怪怪地，我又ok喎！😋 樣樣都好好食，我地3個女仔食到好飽，勉強清到晒全部野食，如果4個人食會好啲。 買單都係2407台幣，計翻港幣都係600幾蚊，勁抵食🤩 有機會要去試下，仲有邊樣菜式好食留言話我知🤭 宜蘭交通唔方便，如無揸車可以請餐廳幫忙call車喔~ 礁溪庄櫻桃谷櫻桃鴨專賣店 (礁溪鄉) 地址：礁溪鄉礁溪路七段72號 營業時間：星期一至日 11:00-21:00 #台灣 #宜蘭 #礁溪 #宜蘭美食 #櫻桃鴨 #旅行 #美食分享