日本海產有兩大類？遠超東京大阪的北陸海鮮

香港人最常去嘅大阪同東京都係面向南面，海產來自太平洋。至於面向北面嘅金澤，海產就嚟自日本海，所以有唔同嘅特色海鮮。金澤最出名嘅就係近江町市場，裏面充滿各式各樣嘅新鮮海產，例如係石川縣著名嘅加能蟹、 富山灣海蝦等等。 要數近江町市場入面最多人排隊嘅店舖，就一定係價廉物美嘅海鮮丼。 若然唔想排隊，近江町市場入面都有唔少立食嘅鋪頭，畀你享用海膽、生蠔、蟹膏等等嘅新鮮海產，一樣會令你回味無窮。 Tips: 季節限定加能蟹 若然你係喺11月至3月期間前往，就一定要試下石川縣當地嘅加能蟹。加能蟹其實即係喺石川縣捕獲嘅松葉蟹，加能係指「加賀」同「能登」，所以係石川縣限定。日本海嘅松葉蟹真係非常美味，絕對值得一試！ 推薦海鮮丼： いきいき亭 近江町店 🕰️營業時間：07:00～15:00 📍地址：石川県 金沢市 青草町 88 近江町いちば館 💰人均消費：HKD150 #特色美食 #日本旅行 #日本美食 #金澤 #日本料理 #金澤近江町市場 #日本刺身 #海鮮丼 #松葉蟹 #100種旅行方式