久違的澳門遊🚌

開關咁耐終於約齊朋友一齊去澳門，今次我地搭金巴，因為有朋友未試過搭金巴。其實係港珠澳大橋過左關上車起計around 45分鐘去到澳門關口，都真係幾快。會暈船浪的你就真係可以選擇金巴，就好似坐巴士。佢而家仲要係雙層巴士，但係我都係覺得單層旅遊巴舒服些。 係澳門過左關就搭車去大三巴個邊食早餐，今次我地揀左文記咖啡麵食，因為之前網上見過有樽裝炭爐奶茶，真係唔錯 早餐完之後就去左大三巴，咁耐無去澳門，緊係去打下咭，始終係澳門地標。 其實我地想去瘋堂十號創意園，只係經過大三巴😂今日因為都係星期日，所以都好多人，但係原來無咩人會去睇創意園，入面就好似一個迷你美術館，佢既裝修都好靚，佢以前其實係一間瘋人院😆。瘋狂斜巷都有好多打咭位，都幾文青feel，我係差唔多10年前瘋狂斜巷，同而家都無太大轉變，佢都keep得幾好👍 之後我地就去左搭松山䌫車，咁啱撞正佢有免費乘搭，好幸運😃 上左去就去左松山市政公園，有個東望洋砲台and 燈塔，都係幾好既打咭位😉仲見到些小情侶係度自拍😊 之後我地就搭車去官也街，搭車我地唔太識落車，當地市民其實好好人，聽到我地話要去官也街，就主動教我地邊度落車☺️官也街就好多人啦，我哋首先要去買雪糕食，lemoncello gelato,要排隊，但好食😋，服務員態度好少少就perfect😅我地都係分開行吓街咁，因為有些人會想去行街睇裝飾，有些人會想去排隊去買野食。原本我想去晃記餅店度買雞仔餅，因為好好味，但見要排好長隊，唔想朋友們等我地，所以就放棄左排隊，我地就上左去野飲隔離上面度睇下有d 咩行下，又好似好小人行上去，上面又見到有好多打咭位，我地誤打誤撞搵到個咁靚既位，開心🥳 之後我地就要去搵野食，原來我地因為早餐食得太飽，都無食lunch tim，所以5點多d就去排隊，當然去食葡國餐，又真係幾好味咁bor, 環境係好靚，好有葡國風味。好彩我地早到有排隊，等佢正式開門個時己經要等到期8:30先有位。 之後我地就搭車反香港了，今次因為食得飽飽，所以去有無賭場車搭去港珠澳關閘，原來無咩發財車會直達港珠澳關閘，要係氹仔碼頭度轉車，雖然都係免費，但如果說有得重新選擇，我會比少少車費搭，會無咁攰。 #旅行好去處 #境外遊 #週末遊 #trip #瘋堂斜巷 #Lemoncellogelato#官也街 #文青好去處 #打咭停不了 #澳門週末遊