小松那谷寺步行賞楓又到一年好時節。

🍁日本石川縣賞楓推薦「那谷寺」 🕌那谷寺位於石川縣小松市，係一所白山信仰嘅寺院，至今已有1300多年歷史。 📍佢獨特嘅地形加上長滿青苔及數百年古樹嘅傳統庭園景色，使得那谷寺被列入米芝蓮綠色指南嘅一星級景點。 ⛩️境內嘅「本堂」、「三重塔」、「護摩堂」、「鐘樓」、「書院」及「那谷寺庫里庭園」均被認定為重要文化財產。 🍁作為石川縣內嘅賞楓名所之一，觀賞紅葉嘅最佳時期為11月上旬至下旬。 👋🏻推薦大家喺寺內慢慢散步，穿過「楓月橋」登上展望台，一覽紅黃相間嘅樹木與岩壁營造出嘅壯觀景色。 💯有戀人聖地之稱嘅「粟津溫泉」就喺附近，參拜賞楓後住一晚，浸個溫泉好好哦～