#賞花攻略 每年既春季，都係荷蘭阿姆斯特丹鬱金香盛開既季節，一望無際既花海真係好靚。 大部分遊客去到阿姆斯特丹，通常都會去位於阿姆斯特丹郊區既庫肯霍夫公園（Keukenhof），佢係全世界最大既鬱金香公園，佔地28公頃，擁有超過600萬株既花卉植物，包括鬱金香、藏紅花、風信子等等。 其實係公園附近有好多種植鬱金香既農場，今次有幸得到農夫既邀請，入左去農場入面。一入到去就見到一片紅紅橙橙既花海，真係好壯觀好靚。