係澳門倫敦人瘋狂打卡 📸🎉

#澳門週末遊 澳門倫敦人度假區 The Londoner Macao 評分 ：️⭐️⭐️⭐️⭐️⭐️(5⭐️最高分) 地址：澳門路氹連貫公路 免費入場 澳門最熱門嘅打卡點，一定係倫敦人度假區🤩 呢個度假區以倫敦作為主題，包括酒店及商場，從度假區外觀建築，到內裏所有嘅藝術裝置、店舖裝潢等，都充滿濃厚嘅倫敦情懷。今次冇去住酒店，淨係行商場都超多打卡點。 喺度假區對面馬路已經即刻見到英國大笨鐘，商店外牆參考英國國會大廈嘅設計，門口仿照倫敦車站建造，好逼真，真係好似去咗倫敦！ 商場設計非常靚❤️❤️❤️玻璃中庭有33米高，引入大量的自然光，仲起咗個水晶宮殿，設有1:1還原嘅沙夫伯里紀念噴泉，極具象徵性嘅紅色英國皇室馬車、奇幻雙層巴士、紅色電話亭，仲有一個叫奇妙小巷嘅互動裝置，外型好似商店，不斷播放活靈活現嘅人物肖像及古董影像，仲安裝左巨型、色彩繽紛嘅英國茶杯，完全係打卡勝地，唔需要去到倫敦，喺呢個商場已經有晒倫敦所有嘅特色名勝。 商場內除咗餐廳、商店可以購物，仲有唔少小食亭，而且好多地方都有座位，行到攰可以坐下，仲有着住制服嘅職員喺商場駐守，解答旅客有關商場甚至乎旅遊交通嘅問題，服務非常貼心👍🏻👍🏻👍🏻 倫敦人度假區夜晚仲會亮燈，非常之璀璨輝煌🌟✨💫記得打埋卡先走🤭 #澳門週末遊 #澳門景點 #週末遊 #澳門遊 #travel #trip #境外遊 #放鬆 #like #澳門 #澳門好去處 #澳門打卡 #澳門倫敦人