時光倒流 閒遊戀愛・電影館

戀愛・電影館位於澳門戀愛巷九至十三號，樓高三層，係一個書籍同電影期刊借閱、電影欣賞、影像保存，充滿回憶嘅展覽空間。地面大堂展示咗售票大堂、放映廳、控制室，仲會放映藝術電影同獨立電影。一樓為電影資料室，入面擺放咗澳門電影嘅資料，仲有期刊同雜誌等，可以更深入認識澳門本土電影。 展覽廳展示咗好多7-90年代嘅電影同音樂專輯。雖然好多電影同專輯發行嘅時候我都未出世🤣，但好多都因為受到屋企人薰陶而認識。好鍾意呢一個電影館，除咗可以認識更多澳門電影文化，亦都可以時光倒流，懷緬昔日香港電影輝煌嘅時光。下次嚟到澳門一定會再嚟參觀！ 。地址: -澳門戀愛巷13號 。開放時間: -星期二至星期日（逢星期一休館，公眾假期照常開放）
-售票處：上午10時至晚上11時30分
-電影資料室：上午10時至晚上8時 #澳門景點 #澳門好去處 #澳門打卡 #澳門遊