巴黎迪士尼樂園 B&B 酒店 (B&B Hôtel a Disneyland Paris)

巴黎迪士尼樂園 B&B 酒店 (B&B Hôtel a Disneyland Paris) 在巴黎迪士尼外圍，由 Marine-la-Vallee-Chessy（巴黎迪士尼站）跟米奇頭圖案指示牌出地面行去巴士 / shuttle 站，貼最左邊的 Q shuttle bus 站牌就係這間酒店的免費穿梭巴士 shuttle bus 因有 5 間酒店共用，所以非常多人，而所有人都不會排隊上車，要迫同衝上車（酒店上車的旅客就會排隊），B&B 酒店係最尾站，在酒店出迪士尼樂園都係最尾站 免費穿梭巴士等候時間好似不定時，有時幾分鐘一班，有時半小時一班，有時 10 分鐘一班… 所以最好睇下酒店官網先 而唔坐免費穿梭巴士去酒店，可以行去中間位置的巴士站坐 34 號路線的巴士，都可以去到酒店 巴黎迪士尼站與酒店的車程大約 10分鐘左右，然後行5 分鐘去樂園 酒店大堂有兩個櫃檯，法國人做事慢，要等等，有禮的 酒店大堂有一間迪士尼限時開門的商店 酒店大堂中間位都有個物品賣飾櫃 酒店內有一個遊戲室，很適合小朋友 酒店內有一個自助小賣室，內有兩個微波爐，有咖啡機，飲品，零食，意粉，雜貨用品機都有，內裏還有兩張檯櫈不用上房飲食 酒店出面花園有個迷你哥爾夫球場給小朋友玩，行出去有個好大的草地和湖，亦可以行過隔離另一間酒店的公園玩 酒店房門用密碼按（密碼鎖），房間號碼和房間密碼寫上一張宣傳單張上，要記得密碼，如唔記得就帶埋張宣傳單張，但唔見了被人執到就可以跟住去房間用密碼入到房了 房是三人房，有三條大浴巾，三隻獨立包裝軟身紙杯，風筒在檯前，無其它杯，無水煲，無雪櫃，無樽裝水，有冷氣，夠凍，窗可開，但夜晚會有好多昆蟲仔飛入房，所以黄昏後要關窗 如要硬身咖啡杯可在地下櫃檯旁邊的檯任拎 如要飲水可落自助小賣室買樽裝水飲或飲水喉水 隔音，差，一早被細路在走廊奔跑和喧嘩而嘈醒，亦明顯聽到講嘢聲同關門聲 早餐含三人，早上 7-11點供應，非常之多人，座位隨意任座，正常簡單的外國早餐 早餐如太遲去食可能連牛角包都無，但有烘多士食 酒店相比其它 4 間酒店應該比較簡單但最重要唔屬於貴亦包早餐，有免費穿梭巴士出入酒店與樂園附近，方便，算係咁