澳門掃街！爆冷官也街掃街之選！😋

黎到澳門 一定要去官也街掃街！ 牛雜，葡撻唔使講 都係必試（如圖二） 都好多人推介左 所以本文章就唔再多講 依家出去介紹比較少人推薦過嘅食物 ————————————————— 官也街嚴選冷門美食！😆😆準備好味！ 第一位驚喜之選：暴打檸檬茶（圖三） 廢話小講，勁 好 飲！ 小篇心入面第一句：「$38一杯檸檬茶？講笑咩？好飲得過香港檸茶？」 但朋友俾佢外觀吸引咗，堅持一定要試，就排隊買咗杯嘅第一名，「多肉葡萄2.0檸檬茶」 一飲… 「會唔會太好飲…」 完全唔係港式檸檬茶 有一陣好fresh嘅味道 平時好少飲酸嘢 但呢一杯 令人一飲咗飲。最後臨走前一日都決定咗去買咗第二杯。 價錢：28HKD 評分：9/10 第二位驚喜之選：爆汁胡椒餅 （圖四） 講真，官也街人又多，食物選擇又少，行嚟行去都係葡撻，牛雜，杏仁餅。都冇乜想食，原本諗住見多人排 就排下試下 揀左間雞蛋仔 其實都冇咩期望😂 又心諗點會好食得過香港 又見佢個樣平平無奇普通雞蛋仔一個 但係我排排下嘅時候 見到對面後巷 有人舉牌，寫住胡椒餅 一嚟就俾佢名吸引咗 平時好少見到 就諗住試吓 （其實可能我見識少😛 所以冇食過） 入到去都好少人排 但都叫咗個胡椒餅試 點知一食… 爆到我成身都係汁… 太過份！但真係好好食！我都keep住係咁食。最後 啲人見到我嘅反應 都吸引左 之後就越嚟越多人😂 最後就好似相入邊咁 大排長龍 講起老細都要多謝我☺️ 價錢：27HKD 評分：10/10 一定再試！ #澳門 #澳門美食 #官也街美食 #官也街