抵食燒鳥

返深圳食燒鳥真係抵食好多，份量足、味道好、服務好、環境又好，真係諗唔到拒絕嘅理由😏 餐廳嘅裝修非常日式，仲有好多間唔同大細嘅包房，行過見到已經會被吸引。我哋叫咗個二人餐，真係好豐富👍🏻原本諗住食燒鳥唔會食得好飽，點知份量多到兩個人完全冇可能食得晒😆 前菜三拼，有大家食開嘅泡菜、芥末魷魚同海草 招牌香芒蟹籽沙律，啲蟹籽多到😍仲有好多大大舊嘅芒果，好好味 御尚三品刺身，有三文魚、油甘魚同蝦，新鮮肥美，咁嘅價錢仲可以食到魚生😲 法式魚子醬煎鵝肝，呢份一定要食，好好味，中間仲加咗水果解膩👍🏻 香脆鰻魚卷，呢個都係我覺得下次去都會再叫嘅，上面嘅醬汁同蔥絲好香☺️ 套餐嘅串燒分別有: 京蔥雞肉串、梅醬紫蘇雞胸肉、秋葵，紫蘇係夾係肉中間，配上梅醬，酸酸甜甜幾特別。 炸雞塊，炸雞唔錯呀，我哋雖然好飽，但係炸雞係食晒嘅😆 黑蒜豬軟骨拉麵，套餐入面嘅拉麵以為得一啖仔，點知好大碗，味道都唔錯，食完咁多乾嘅嘢食碗有湯嘅拉麵非常好 兩杯飲品賣相都好靚，富士山下係牛奶加咗少少甜嘅藍色啫喱，睇上去真係好浪漫，另一杯係櫻花氣泡水，同樣吸引。而甜品嘅奶凍都整得好好味😋 lunch 仲有好多更抵食嘅套餐，而我哋兩個人點嘅呢個¥398套餐已經可以坐房間，建議大家早啲book定房啦💕 餐廳名: 鳥鳴燒鳥居酒屋·刺身壽司(卓悅INTOWN店) 地址: 福華三路會展中心卓悅INTOWN購物中心4號樓3層L319—320鋪 地鐵10號線崗廈站D出口行540米 #深圳 #深圳美食 #日式料理