#我的旅伴是媽媽 即日來回澳門放鬆之旅🇲🇴💚💚

三月底想趁假期去個 #短途旅行 ，咁啱媽子又好耐冇去過 #澳門🇲🇴 ，就展開咗呢個 ##澳門之旅 😜💚！ 我哋喺 #青嶼幹線 搭巴士去到 #港珠澳大橋 ，之後搭金巴過澳門，單程每位$65，可以即場喺自助售票機用八達通或者微信支付俾錢，提提大家去澳門係唔使用回鄉證㗎🤙🏼，只需要帶身份證就搞掂㗎啦☺️☺️！ 我哋12點幾去到港珠澳大橋，大約1:00左右去到澳門，到咗之後就搵㗎酒店接駁巴士去咗 #氹仔 #威尼斯人酒店 先，之後行咗一陣，就出發行去 #官也街 ，嗰度超多嘢食、#手信 同埋coffee shop😚，#豬扒包 、#葡撻 、#牛雜 ，媽咪都話好好味😋😋，佢仲買咗幾盒手信添💕！ 之後我哋就打33號巴士過返市中心，搭巴士都可以比 #港幣 㗎，完全唔使唱錢，而且周圍都有Wi-Fi，電話卡都冇買好方便🤓！帶咗媽咪去澳門必去嘅 #大三巴 度影相📸️，雖然嗰日落雨都好多人好熱鬧😎，最後再行返去#葡京酒店 附近搵間餐廳食嘢，就返香港啦，媽咪都話玩得好開心🥰🥰！去完旅行返嚟又想去近近地放鬆吓，澳門係不二之選💕💕！ 地址－ 澳門 環境／設施－ ⭐️⭐️⭐️⭐️ 特色－ ⭐️⭐️⭐️⭐️ 人均價格－ ⭐️⭐️⭐️⭐️⭐️ 評分－⭐️⭐️⭐️⭐️