曼谷芭堤雅，一間勁正的酒店 Andaz Pattaya

#曼谷酒店 Andaz 係Hyatt 旗下的高端品牌 而芭堤雅呢一間亦都係我今次曼谷之旅最期待一間酒店 因為我只係用咗$2200 ，但包咗我$100美金嘅餐飲消費，就可以入住呢間咁正嘅酒店，仲要免費upgrade同埋late check out到四點 有呢個咁抵嘅Offer係因為我用咗AE白金卡嘅Fine and hotel 去book😎 講返呢間酒店先，個泳池就真係勁正啦，可以睇到好靚嘅日落！而房間嚟講我覺得喺芭堤雅嚟講都算幾大，我今次訂呢個房型仲要一行出去，有好大片草地，環境真係勁舒服！ 酒店房間裝修得好靚，好舒服，，好多地方俾大家打卡，同埋比大家可以飲下咖啡chill 下！ 如果$100美金我用咗嚟食兩餐，酒店食嘢唔算太貴，如果你唔太大食，用嚟食兩餐應該冇問題，仲有我呢個package包埋早餐，所以呢兩日我真係玩得好開心，下次如果再去芭堤雅我都會再次入住呢間酒店！