［深圳美食·好味順德菜］在港如何預約房

呢間真係必去餐廳之一，位置方便易搵！ 最正係可以Book房，坐得舒舒服服😌 先介紹吓啲食物先💁🏻‍♀️ 🐥順心順意撈雞 入面有蕎頭、青瓜絲、洋蔥絲、炸芋絲、花生等配料再撈埋啲走地手絲雞，味道剛好👍🏻雞皮超級超級爽口！ 🐟順意爽魚皮 魚皮最緊要夠爽🤤味道亦都剛好唔會太濃味。而薑絲都有用心，係子薑😋 🐷煎焗鴛鴦餅 三件香煎鯪魚餅，三件香煎豬肉餅，鯪魚餅肉質彈牙👍🏻而豬肉餅好有驚喜，食得出有蝦米臘腸等令到味道更加豐富 🌶️煎釀田園尖椒 而家買到辣嘅尖椒真係好難得，而呢個真係以前食嘅尖椒味道🤤魚肉依舊彈牙 🐚魚滑白貝浸勝瓜 勝瓜都清甜，但整體味道偏淡 🍲菊花八寶魚蓉羹 非常鮮甜，有蠟燭熱住👍🏻熱辣辣味道更好 🫘脆皮金沙豆腐 味道偏淡，如果多返啲椒鹽會更好 🍝豉油皇炒麵 好有鑊氣，唔算太油。不錯不錯 🕊️紅燒脆皮乳鴿 外皮係整到幾脆，不過肉質一般，比較乾身 🐢蒜子火腩炆水魚 必吃！！超好味😋水魚好鮮甜，再配埋蒜子真係超香🤤鍾意食水魚一定要叫 由於今次5大3小所以打電話去預約時Book咗間房，Book房無最低消費嘅，只要比多張單嘅10%費用就得。如果人多非常推薦大家Book房坐，因為真係好舒服👍🏻 「順意·順德家鄉菜」 📍 筍崗梅園路75號萬象食家5層L517 ☎️0755-82249019 #報名酒店試睡員 #美食指南 #深圳美食 #深圳好去處 #深圳 #萬聖節2023