【東京推介】美登利總本店‼️試下總本店究竟可以好過香港分店幾多‼️

以連鎖壽司店嚟講，美登利👆🏻應該係除咗吞拿魚腩大王之外，算係比較出名💁🏻嘅而又好好食😋嘅。香港都有幾間分店～～一場嚟到東京🗼，我同老闆做的起心肝去總本店度，睇吓會唔會同分店做得一樣咁好味，定還是總本店光環😇，總係整得好味啲？🤣 一嚟到，OK，排晒隊🤦🏻。其實只係啱啱開門，📣‼️我建議大家可以喺開門前15至20分鐘到門口排隊，咁應該可以第一輪入到去。‼️📣 一入到去，啲師傅👨🏻🍳都已經好熱情係咁講日文歡迎我哋，服務員亦都好有心咁樣介紹俾我哋聽，話 ‼️前面隻黑色碟係師傅用嘅，散叫嘅壽司🍣，師傅會逐舊逐舊咁樣放上隻黑色長碟上面俾我哋食，‼️提示我哋千祈唔好搞隻碟，如果唔係師傅會唔開心。🤣‼️ 我哋叫咗好多嘢食，但係我哋都有少少故意係帶返香港有得食嗰啲，因為想比平下究竟香港同日本爭幾遠。😆 我哋嗌咗海苔麵豉湯🥣、蟹肉蟹膏沙律🥗、貝類🐚 Combo、吞拿魚🐟Combo、香蔥吞拿魚腩飯卷同埋好多散件壽司🍣。 講吓個海苔麵豉湯先，香港常用赤👹麵豉嘅，日本唔知做乜就用白⚪️麵豉嘅，總覺得香港比較好飲啲。 至於蟹肉蟹膏沙律🥗、貝類🐚Combo同埋吞拿魚🐟Combo方面，香港就真係冇得比。唔係話香港唔好食，香港已經好好食，總本店係再高🆙🆙一個層次嘅好味。 食到咁上下，老闆好唔乖咁，嘗試將木盤上嘅吞拿魚放上黑色長碟嗰度等佢自己容易啲夾，即刻俾師傅望住👀搞到好大壓力，大家記得着黑色長碟，並唔係方便我哋食壽司🍱用，喺日本師傅嘅一種堅持✊，作為又係我哋應該尊重日本文化。🛎️ #東京景點 #foodphotography #美食指南