下關市｜本格職人壽司居酒屋

環境／設施－呢間位於下関市嘅居酒屋，喺下関駅出口行過對面天橋，就到竹崎町，係少數喺下午仲開緊嘅餐廳，大部份嘅餐廳要去到5-6點先開門做晚市。所以當時下午茶時間入去，居酒屋喺度準備緊晚市嘅食材，亦都因為得我哋一枱客人，所以可以隨便揀位坐。 特色－餐廳嘅職員英文唔太好，但係好在佢哋有中文嘅餐牌，我哋隨意咁揀咗刺身拼盤同壽司，因為下関係沿海地區，所以海鮮刺身都好新鮮，甜蝦同帶子刺身勁鮮甜👍🏻 壽司唔算大件，但樣樣都好新鮮好肥美，職員推介左我哋熱清酒，冇錯喺夏天飲熱嘅清酒😂但係出奇地易入口，仲送埋送酒小食。我哋都忍唔住再追加左炸魷魚，魷魚炸得好香脆而且唔韌，十分推介炸魷魚！反而茶碗蒸就冇咩特別，不過佢所有食物都係即叫即整👍🏻而且價錢唔貴，去日本食到咁新鮮嘅食材，係幾抵！ 本格職人握り壽司居酒屋 地址－〒750-0025 山口県 下関市 竹崎町1-15-38 人均價格－$100 評分－9/10 #日本居酒屋