暑假芭堤雅之旅day1/2

一行17人，聽到個個都嘩嘩聲！4歲至80歲，有老有嫩！好似好難，其實又好容易！因為係家人！💐💐💐💐 買咗平機票，大家一齊夾時間！ 之後就book兩架10人車由機場直接出發到芭堤雅！ 過程好方便各大平台都有此服務！👍 我地book咗$543/架，但係請注意book車時要報上行李件數，因為如果個個都大大個行李箱就實唔夠位！佢會事前通知你係邊個出口等，去到搵到自己個名，之後同事就會叫司機過黎，等大約5-10分鐘就可以上車！ 記得去定洗手間，我地有老人家，所以上車時就講定要停一站洗手間，另外請準備小費！建議100泰銖！因為曼谷塞車，所以成大約4小時車程！ 坐車🚗都累！ 夜晚到酒店成10點快快食啲野就訓，明早係水上活動日！ 我地住芭堤雅美居海洋度假村 Mercure Pattaya Ocean Resort 佢有兩個泳池🏊 一個係5樓，一個係地面，有好多水上游樂設施，小朋友超鐘意. 大約600/晚！性價比好高！早餐都好好食！住得好舒服😌！ 第二日就book咗水上活動 $444/成人 $355/小童 （包拖傘+香蕉船+水上電單車+浮潛+水上玩樂設施+影相及航拍+餵鵝+午餐+酒店接送服務） 4歲跟團唔洗錢，但係就不包任何活動！ 注意60歲以上人仕，請因應身體情況是否適合參與！我地老人家是沒有參加的，佢地就芭堤雅行街日！ 由早上09:30酒店大堂接咗！坐雙條去碼頭，聽講解，我地係普通話，另外有英文選擇！ 包一條毛巾（要交還的）及一枝水。 首先坐船去玩拖傘！超正！🪂 其實只要小朋友夠膽，佢都唔介意比你玩，會有專人同小朋友一齊上天，一齊落地！ 我地6歲小朋友都有玩！ 一行13人有12張票，領隊好好我地有4個小朋友唔玩，佢比我地換做水上電單車票！ 玩完就再上快艇去浮潛！快艇真心好chok! 會有部分人士暈船浪！所以唔適合老人家就係咁解！ 浮潛地點係一架遊艇，有滑梯及其他水上活動設施，不過都比較舊同埋生灑青苔！ 當日都有浪，佢無特別教練，只係比裝備你（救生衣及浮潛用品），就可以落水！係有啲魚仔睇下既！不過唔多！要小心水母🪼同海膽！我個人覺得唔識游水，就比較危險！ 之後玩咗陣就再搭快艇去島格蘭島！ 水清沙幼！🏖️🏊🏻‍♂️每人一張票玩香蕉船一張票玩水上電單車！以上活動到下午三點左右！排隊就可以！玩完仲想玩可以再買票！航拍及影相服務！只要你見到無人就可以去影！我好後悔影得好少相！始終小朋友掛住玩水！ 包埋午餐食雞髀薯條加一枝水！可以自費買其他野食或飲品！島上洗手間及沖身設備都要付費！坐沙灘椅都付費！之後就自游活動啦！ 航拍機影得真係好靚！不過像數好差！ 影靚相貼士：其實真係著兩件頭唔介意就小布啲好睇啲！記得除鞋影，伸長手腳！咁就可以影得個人長啲！其實我好月巴🤭🤣🤣🤣 玩到夠鐘就坐船走啦！工作人員影既所有相會有條link比你自己下載，不過呢….佢將所有人既相都放灑上去，其實都幾無私隱！😅🫣 去到碼頭會有灑好咗玩拖傘相片100泰銖兩張，其實唔貴，我覺得可以買幫助下當地人都好！ 真係玩得好開心😁 夜晚我地去咗飛機夜市，行過去都可以接受！回程就坐雙條車！食晚餐之後行下街！有小小動物比錢可以餵兔仔！🐇等大蛇影相！🕷️🐍200泰銖魚仔食腳皮！啲小朋友想試，就平平地比佢地玩！夜市唔大！食下野行完就走啦！之後返酒店既返酒店！另外就去按摩！ 原來都寫咗咁多字！分開兩篇先！謝謝收看！🙇🏻‍♀️ #報名郵輪試坐員#境外遊 #陽光與海灘 #芭堤雅景點 #芭堤雅美居海洋度假村 #全家出遊