超有內涵既意粉😍😍😋😋

🍽️PastaSciutta-San Pietra 📍 Via delle Grazie, 5, 00193 Roma RM, Italy - 第二日嚟到梵蒂岡附近，做足功課，有一間好出名嘅意粉，唔好睇佢個樣好單調，佢好味到嚇親你呀😋😋😋 💫Spaghetti Cacio e pepe（€7） 意粉質地令人非常驚訝！佢比起我之前食過嘅所有意粉都更加有咬口，更加al dente！❤️❤️呢個意粉係好地道嘅意大利風味，就係芝士加胡椒，但係簡單得來超濃味，重口味人士必食！ 💫 Strozzapreti al pesto（€7） Strozzapreti形狀就好似夾扁咗而屈曲嘅粉團，同樣咬落超級煙韌，真係超al dente😍😍😍材料好簡單，就係一個味道好純粹嘅青醬加上意粉，但係你會食到青醬嘅香味同埋意粉嘅彈牙口感，越簡單食物越難做出水準 - 🌟呢間店雖然細細間，但係吸引咗好多人排隊，我哋前一日嚟到嘅時候見到起碼50人排緊隊，甚至有好多人坐喺街邊食🤣🤣於是我哋今日特登早啲入梵蒂岡參觀完就出嚟食，不枉我哋咁早起身！質素真係好好！ 🌟睇到餐廳廚房裏面有一部意粉機器，全部意粉都係新鮮製造，難怪特別好食🤭🤭 🌟餐廳員工都好年輕有活力，甚至會跟着音樂一齊唱歌，氣氛非常舒服 推薦指數：4/5 抵食指數：4/5 值得去指數：5/5 #foodloverin852 #852 #foodie #hongkong #羅馬 #Roma #意大利 #Italy #意大利美食 #意大利必食 #意大利餐廳 #意大利好去處