打卡系日式草🌙氛圍

疫情之後減少聚集好耐冇行過星光大道😷今日行到最尾差唔多行到尖東個頭度搵食 經過見到呢間裝修好靚又茶葉又蛋糕咁 估唔到原來主打和式料理㗎喎😋 ❣️秘製2小時慢煮西班牙橡果豚腩 伴洛神花紅酒汁丼 $158 兩片反晒光嘅豚腩大大舊放面 用洛神花紅酒汁醃到超腍勁入味😳微酸嘅醬汁令油脂部分肥而不膩 仲有消濟開胃添 慢煮手法令豚肉減低變鞋口嘅機會 肉質即使烹調左兩小時仍然可以保持柔嫩口感🥺 ❣️和風汁燒挪威三文魚柳 $238 呢個擺款超級靚 足夠可以打半個鐘卡😂店員講解配料前菜會因春夏秋冬四季而調整 今次前菜 有紅酒橋頭 春筍 櫻花蝦高湯美白菇🍄全部細細份好精緻 橋頭浸得好入味 冇平時嗰啲好酸好酸嘅感覺 而右手邊好似朵花嘅係鯛魚片配高湯啫喱 食法係用羹不一小舊啫喱再連埋鯛魚片🐟一齊食 高湯令原先冇味嘅魚片增添鮮味 小食有炸飯團🍙同天婦羅外脆內軟 全部都好香口 即叫即炸熱辣辣 至於主食三文魚火候啱啱好 表面微焦賣相超吸引 吱少少檸檬🍋汁酸味味更好味 跟餐仲有超精緻嘅紅豆糕 面頭放咗啲金箔夠貴氣 唔會話過甜 少食甜嘢嘅我都接受到🤭 ❣️鮮草莓麻糬窩夫 $128 一片正方形嘅麻糬片放頂 加上份量唔少 足足有四舊窩夫 搽上Movenpick雲呢拿雪糕🍦溫度令雪糕滲透窩夫🧇再點埋綑邊嘅荔枝玫瑰汁 玫瑰香氣令窩夫更昇華 比一般水果果醬更加分 - 🫧SP Senses(尖沙咀中心) 尖沙咀麼地道66號尖沙咀中心地下G64-66號舖 #etlulu尖沙咀 #etlulu九龍 - #foodiehk #hkfoodie #852food #hongkongfood #hk#hkblogger #bloggerhk #尖沙咀 #香港食咩好 #食好西 #手機食先 #吃貨 #尖沙咀美食 #香港美食 #香港好去處 #九龍美食 #尖沙咀好去處 #打卡 #插花 #茶葉 #和式 #日本料理 #打卡好去處 #拍拖 #情侶好去處 #星光大道 #甜品 #尖沙咀甜品