🌟餐廳：李小太•燒烤（羅湖金光華店）

🌟餐廳：李小太•燒烤（羅湖金光華店） 📍地址：羅湖區人民南路2065號 💰價位：～$100 ⏰營業時間：星期一至日11:00 - 03:00 📱電話：0755-82174518 最近深圳進駐咗唔少地道串燒燒烤店，由店員即場以炭火烤制，風味十足😋😋今次就黎到呢間深圳公認火爆排隊店及深圳必打卡門店👉🏻李小太燒烤✨主打新鮮食材現串現烤，超多本地人推薦！一於同朋友去朝聖下💋 ————————————————————————— 🔹爆汁牛肉 招牌串燒！對牛肉有要求既朋友仔一定要試！牛肉鮮嫩多汁，烤既火喉一流，熱辣辣香噴噴！外層烤至焦脆，內裏肉汁豐腴，夠哂惹味出色！ 🔹安格斯肥牛 肥瘦適中既安格斯牛肉串燒，牛脂感豐富之餘，牛味夠哂香濃，烤至香口，入口帶嚼勁，媲美主打嘅爆汁牛肉，兩款各有風味特色！ 🔹蒜蓉生蠔 蒜蓉生蠔肥美又Creamy！夠哂厚肉大大隻，加入蒜蓉、香蔥及辣椒粒烤製，色香味俱全！蠔肉入口滑順，咬落爆汁，大推！ 🔹鹽烤羅氏蝦 餐廳既海鮮由門店外海鮮池現撈現烤，保証新鮮生猛！羅氏蝦出名蝦膏十足，肉質鮮甜爽彈，外層曬上鹽花烤制，咸香味十足，超推薦！ 🔹北海道吐司 呢款北海道吐司，麵包烤至外脆內軟，加入大量濃香牛油，上枱時再加入煉乳點綴，入口層次感十足，大愛！ 🔹炭烤香腸 香腸肉質飽滿，外層香脆，咬開肉質爽彈，油脂感豐富，而且豬肉味濃郁，絕對係佐酒之選！ 🔹忘情雞中翼 菜名夠哂盞鬼過癮！雞中翼外皮香脆，肉身保持鮮嫩多汁，加入秘製香料及蜜糖烤製，味道鹹鹹甜甜，食得好滋味！ 🔹雞腿肉串 鐘意啖啖肉既朋友仔必試！雞腿肉嫩滑鬆軟，搭配自家調製燒烤香料，入口寧舍惹味！ 🔹皇牌雞脆骨 烤至脆卜卜，有肉又有軟骨，食落肥脆有嚼勁，超過癮，口感一流！ 🔹沙白螺海蝦瑤柱砂鍋粥 除左即烤串燒，呢度提供嘅主食，例如砂鍋粥，用料豐富，即叫即製，值得一試！ 我哋就揀咗呢款沙白螺海蝦瑤柱砂鍋粥，取材時令海鮮，沙白肥美多汁，咸鮮味滲透粥底；海蝦鮮味十足，蝦肉爽彈，令粥底更鮮甜！ 成個組合相當出色，特別係粥底夠綿滑，海鮮嘅精華盡在濃稠嘅粥底，再搭配芫荽及香蔥等配料，食得零舍滿足！ 🔹冰鎮豆花 嘆咗咁多款香口熱辣辣嘅串燒，甜品當然要揀番款冰凍嘅冰鎮豆花，豆花豆味香濃，入口香甜超滑順，凍冰冰夠晒涼快！ ——————————————————— 👅整體小總結 餐廳位於羅湖金光華廣場對面地鋪，係正羅湖正中心鬧市，地理位置一流！ 餐廳主打嘅串燒，由店員炭火現烤，傳來陣陣濃烈炭烤香氣，未食已經令人流口水！ 串燒種類夠晒多元化，特別推介爆汁牛肉、蒜味生蠔及羅氏蝦等高質海鮮，絕對值得一試！ 除咗高質串燒之外，鍾意飲酒嘅朋友仔記得唔好錯過呢度嘅手工精釀啤酒，而家德式比利時百香果精釀白啤，仲做緊買二送一優惠！香醇酒味配即叫即燒熱辣辣串燒，絕對係人生一大樂事！快啲約埋三五知己過嚟捧場啦💗