台山昌大昌廣場之旅

3日2夜台山昌大昌廣場之旅，坐永東旅遊巴直接到達昌大昌廣場，好方便。落車即刻可以去商場後面渤海酒店check in，酒店新開，裝修設備好新，今次book左張特大床房(2.4米)，夠晒2大人2小朋友睏，又有洗衣機洗下d衫。 一落酒店就已經可以行商場，商場入面要飲野有大量舖頭賣，想飲咖啡既可以試下瑞幸，櫻桃，港究茶等等俾大家試。特別港究茶同香港既口味一樣，啱晒掛住陣味既你。 食方面試左好幾間，一扇門，BurgerKing，尚客客家民間菜館，探魚，撈九門，高原姑娘，帽牌貨冒菜等等。 撈九門任食火鍋唔洗1百蚊位，以依個價錢黎講d野食算唔錯。 今次住渤海酒店好方便，行昌大昌廣場已經夠行成日，商場入面亦有遊樂場可以俾小朋友玩。 成個旅程雖然冇行咩景點，但輕輕鬆鬆飲飲食食行下商場就已經好好。